ການແຫ່ຂະບວນປະທ້ວງຢູ່ໄທກາຍເປັນການປະທະກັນ
(ພາບ: baomoi)
|
(vovworld)- ໄດ້ເກີດມີການການປະທະກັນລະຫວ່າງ 2 ຝ່າຍແຫ່ຂະບວນປະທ້ວງຄັດຄ້ານ ແລະ ສະໜັບສະໜູນລັດຖະບານຂອງ ນາຍົກລັດຖະມົນຕີໄທ ຍິງຣັກຊິນນະວັດ. ມີຜູ້ເສຍຊີວິດຢ່າງໜ້ອຍ 2 ຄົນ ແລະ ອີກ 45 ຄົນໄດ້ຮັບບາດເຈັບໃນການແຫ່ຂະບວນປະທ້ວງເມື່ອຕອນຄ່ຳວັນທີ 30/11 ຢູ່ນະຄອນຫຼວງບາງກອກ ປະເທດໄທ. ພາຍຫຼັງເກີດການປະທະກັນ, ບັນດາຜູ້ນຳຂອງຝ່າຍເສື້ອແດງ ວັນທີ 1/12 ໄດ້ຕົກລົງຢຸດຕິການແຫ່ຂະບວນປະທ້ວງຂອງຂະບວນການນີ້.
ໃນອາທິດທີ່ຜ່ານມາ, ບັນດາຜູ້ແຫ່ຂະບວນປະທ້ວງຄັດຄ້ານລັດຖະບານ ໄດ້ບຸກເຂົ້າສຳນັກງານລັດຖະບານບາງແຫ່ງທີ່ນະຄອນຫຼວງ ແຕ່ເກືອບຄືວ່າ ບໍ່ພົບພໍ້ກັບປະຕິກິລີຍາໃດໆຈາກຕຳຫຼວດ. ຕາມແຜນການແລ້ວ, ບັນດາຜູ້ແຫ່ຂະບວນປະທ້ວງຈະຢຶດຄອງບັນດາອົງການ, ສຳນັກງານຂອງລັດຖະບານ ແລະ ພາຍຫຼັງຢຶດຄອງໄດ້ແລ້ວ, ເຂົາເຈົ້າຈະຮຽກຮ້ອງບັນດາພະນັກງານ, ລັດຖະກອນພັກການທັງໝົດໃນວັນທີ 2/12 ເພື່ອໃຫ້ລັດຖະບານບໍ່ສາມາດເຄື່ອນໄຫວໄດ້.