(vovworld) - ຕອນເຊົ້າວັນທີ 10/12, ປະຕູຖານຂໍ້ມູນຂ່າວສານເອເລັກໂຕນິກຂອງລັດຖະບານ ໄດ້ຈັດການໂອ້ລົມສົນທະນາໂດຍກົງຜ່ານເຄືອຂ່າຍອີນເຕີແນດ ເພື່ອສະເຫຼີມສະຫຼອງ 40 ປີແຫ່ງໄຊຊະນະດ້ຽນບຽນຝູທາງອາກາດ (12/1972 – 12/2012). ການໂອ້ລົມສົນທະນາໄດ້ປະກອບສ່ວນຫວນຄືນມູນເຊື້ອແຫ່ງການຕໍ່ສູ້ຕ້ານເສິກຕ່າງດ້າວຂອງຊາດ, ປຸກລຸກຄວາມເອກອ້າງຖະນົງໃຈເພື່ອໃຫ້ລຸ້ນໜຸ່ມສືບຕໍ່ເສີມຂະຫຍາຍມູນເຊື້ອຂອງຊາດໃນພາລະກິດສ້າງສາ ແລະ ປົກປັກຮັກສາປະເທດຊາດ. ການໂອ້ລົມສົນທະນາໄດ້ມີການເຂົ້າຮ່ວມຂອງບັນດານັກຮົບທີ່ເຄີຍເຂົ້າຮ່ວມໂດຍກົງໃນບັ້ນຮົບ 12 ວັນ ແລະ ຄືນເພື່ອປົກປັກຮັກສາຮ່າໂນ້ຍ ແຕ່ວັນທີ 18 – 29/12/1972 ໃນບັ້ນຮົບດ້ຽນບຽນຝູທາງອາກາດ.