ຄະນະຊີ້ນຳເຂດຕາເວັນຕົກພາກໃຕ້ສະຫລຸບວຽກງານປີ2014
ທີ່ກອງປະຊຸມສະຫລຸບວຽກງານປີ 2014
(ພາບ: Hải Phong)
(vovworld) – ກ່າວຄຳເຫັນທີ່ກອງປະຊຸມສະຫລຸບວຽກງານປີ 2014 ຖືກຈັດຂຶ້ນໃນຕອນເຊົ້າວັນທີ 24/12, ຢູ່ ເກີນເທີ, ທ່ານຮອງນາຍົກລັດຖະມົນຕີ ຫວູວັນນີງ ຕີລາຄາສູງບັນດາໝາກຜົນທີ່ຄະນະຊີ້ນຳເຂດຕາເວັນຕົກພາກໃຕ້ ບັນລຸໄດ້ໃນໄລຍະຜ່ານມາ. ໃນນັ້ນ, ລະດັບເຕີບໂຕເສດຖະກິດທົ່ວເຂດບັນລຸເກືອບ 9%, ລາຍຮັບສະເລ່ຍໃສ່ຫົວຄົນປະມານ 40 ລ້ານດົ່ງ/ຄົນ/ປີ, ຄາດວ່າ, ປະລິມານຜະລິດເຂົ້າສານບັນລຸ 25 ລ້ານໂຕນ, ສິນໃນນ້ຳບັນລຸກ່ວາ 3 ລ້ານໂຕນ. ພ້ອມກັນນັ້ນ, ດອກເບ້ຍເງິນຝາກຂອງທະນາຄານຫລຸດລົງໄດ້ປະກອບສ່ວນຊຸກຍູ້ການຜະລິດ, ດຳເນີນທຸລະກິດ, ດັດຊະນີລາຄາໃຊ້ສອຍເພີ່ມຂຶ້ນໃນລະດັບຕ່ຳ… ທ່ານຮອງນາຍົກລັດຖະມົນຕີ ຫວູວັນນີງ ສະເໜີບັນດາທ້ອງຖີ່ນຄວນຜັນຂະຫຍາຍເລື່ອງຮ່ວມສຳພັນຮູບແບບການຜະລິດລະຫວ່າງຊາວກະສິກອນກັບ ຊາວກະສິກອນ, ຊາວກະສິກອນ ກັບສະຫະກອນ ແລະ ຊາວກະສິກອນ ກັບວິສາຫະກິດຢ່າງແຮງ. ພິເສດຍູ້ແຮງການນຳໃຊ້ວິທະຍາສາດ, ເຕັກໂນໂລຢີເຂົ້າໃນການຜະລິດເພື່ອທັງເພີ່ມສະມັດຕະພາບທັງຮັບມືກັບການປ່ຽນແປງຂອງດິນຟ້າອາກາດທີ່ພວມເກີດຂຶ້ນຢ່າງແຮງຢູ່ເຂດທົ່ງພຽງແມ່ນ້ຳຂອງ.
ທີ່ກອງປະຊຸມ, ບັນດາກະຊວງ, ຂະແໜງການທ້ອງຖິ່ນ ແລະ ສູນກາງ ພ້ອມກັນປຶກສາຫາລືເພື່ອຍົກບັນດາມາດຕະການພັດທະນາເຂດທົ່ງພຽງແມ່ນ້ຳຂອງໃນໄລຍະຈະມາເຖິງ.