ຄະນະປະຕິບັດງານຂອງສະພາແຫ່ງຊາດລົງເຮັດວຽກຢູ່ແຂວງນີງບິ່ງ
ຄະນະປະຕິບັດງານເຮັດວຽກຢູ່ແຂວງ ນິງບີ່ງ
(ພາບ: báo Ninh Bình)
(vovworld) – ວັນທີ 5/3, ຄະນະປະຕິບັດງານຂອງສະພາແຫ່ງຊາດ ໂດຍ ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ, ຫງວຽນທິກິມເງິນ ນຳໜ້າ, ພ້ອມກັບບັນດາເອກອັກຄະລັດຖະທູດຍິງ, ຫົວໜ້າອົງການທູຕານຸທູດ ແລະ ອົງການຈັດຕັ້ງສາກົນ ປະຈຳ ຫວຽດນາມ ໄດ້ລົງຢ້ຽມຢາມ ແລະ ເຮັດວຽກຢູ່ແຂວງ ນິງບິ່ງ. ກ່າວຄຳເຫັນທີ່ການເຮັດວຽກກັບການນຳແຂວງ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ຕາງໜ້າໃຫ້ກຸ່ມສະມາຊິກສະພາແຫ່ງຊາດຍິງ ຫວຽດນາມ ອວຍພອນໃຫ້ບັນດາເອກອັກຄະລັດຖະທູດ, ຫົວໜ້າອົງການທູຕານຸທູດ ແລະ ອົງການຈັດຕັ້ງສາກົນ ປະຈຳ ຫວຽດນາມ ເນື່ອງໃນໂອກາດວັນແມ່ຍິງສາກົນ 8/3. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ປາດຖະໜາວ່າແມ່ຍິງ ຫວຽດນາມ ເສີມຂະຫຍາຍມູນເຊື້ອ “ເຮັດວຽກບ້ານກໍ່ເຮືອງ, ເຮັດວຽກເມືອງກໍ່ດີ”, ສືບຕໍ່ຜ່ານຜ່າຄວາມຫຍຸ້ງຍາກ, ການທ້າທາຍ, ບື່ນຕົວຂຶ້ນປະກອບສ່ວນຢ່າງຕັ້ງໜ້າເຂົ້າໃນວຽກງານສັງຄົມ.
ເນື່ອງໃນໂອກາດນີ້, ຄະນະປະຕິບັດງານຂອງສະພາແຫ່ງຊາດ ພ້ອມກັບບັນດາເອກອັກຄະລັດຖະທູດ ຫົວໜ້າອົງການທູຕານຸທູດ ແລະ ອົງການຈັດຕັ້ງສາກົນຍິງ ປະຈຳ ຫວຽດນາມ ໄດ້ໄປຖະຫວາຍທູບທຽນ ຢູ່ເຂດທ່ອງທ່ຽວວັດທະນະທຳ ວັດ ບ໋າຍດີ໋ງ ພາວະນາໃຫ້ປະເທດຊາດມີຄວາມສະຫງົບສຸກ.