ຄະນະຜູ້ແທນຫວຽດນາມເຮັດວຽກກັບທ່ານ Antonie Camilleri ຮອງລັດຖະມົນຕີການຕ່າງປະເທດ Vatican
ພາບ: TTXVN
|
vovworld)- ຄະນະປະຕິບັດງານຄະນະສາສະຫນາລັດຖະບານຫວຽດນາມ ໂດຍທ່ານ ຟ້າມຢູງ, ຮອງລັດຖະມົນຕີກະຊວງພາຍໃນ, ຫົວຫນ້າຄະນະສາສະຫນາລັດຖະບານຫວຽດນາມນຳຫນ້າ ໄດ້ມີການຢ້ຽມຢາມ ແລະ ເຮັດວຽກຢູ່ສຳນັກງານ ວາຕີກັງແຕ່ວັນທີ 15-20/9. ໃນໄລຍະຢູ່ຢ້ຽມຢາມສຳນັກງານ ວາຕີກັງ, ຄະນະຜູ້ແທນຫວຽດນາມໄດ້ພົບປະແລະເຮັດວຽກກັບທ່ານ Tadeusz Wojda ຮອງລັດຖະມົນຕີກະຊວງເຜີຍແຜ່ສາສະຫນາ, ທ່ານ Antonie Camilleri ຮອງລັດຖະມົນຕີການຕ່າງປະເທດ, ເຂົ້າຮ່ວມການພົບປະສັງສັນຮ່ວມຂອງສັນຕະປາປາ Francis ແລະ ຢ້ຽມຢາມວິທະຍຸກະຈາຍສຽງ ວາຕີກັງ. ທີ່ການເຮັດວຽກ,ສອງຝ່າຍໄດ້ແລກປ່ຽນບາງບັນຫາທີ່ຕ່າງຝ່າຍຕ່າງມີຄວາມສົນໃຈ. ຝ່າຍຫວຽດນາມ ຢືນຢັນວ່າ ຍາມໃດລັດຖະບານຫວຽດນາມກໍປະຕິບັດນະໂຍບາຍສາສະຫນາຢ່າງສະເຫມີຕົ້ນສະເຫມີປາຍ, ຮັບປະກັນສິດເສລີໃນການເຫລື້ອມໃສ ແລະ ເຊື່ອຖືສາສະຫນາ ພ້ອມທັງຕ້ານການສວຍໃຊ້ການເຫລື້ອມໃສ ແລະ ເຊື່ອຖືສາສະຫນາເພື່ອກໍ່ຄວາມຂາດສະຖຽນລະພາບທາງສັງຄົມ, ກໍ່ຜົນສະທ້ອນເຖິງຜົນປະໂຫຍດລວມຂອງປະຊາຄົມສາສະຫນາກາໂຕລີກເວົ້າສະເພາະ ແລະ ປະເທດຊາດເວົ້າລວມ. ລັດຖະບານ ຫວຽດນາມ ໝັ້ນໝາຍ ຍາມໃດກໍຫນູນຊ່ວຍ, ສ້າງເງື່ອນໄຂຊ່ວຍເຫລືອບັນດາອົງການສາສະຫນາ ພ້ອມທັງສະແດງຄວາມປາດຖະຫນາດຢາກຊາວຄຼິດຫວຽດນາມ ຕັ້ງຫນ້າເຂົ້າຮ່ວມການສ້າງສາປະເທດຊາດ, ປະກອບສ່ວນດ້ວຍບັນດາການກະທຳລະອຽດເພື່ອຜົນປະໂຫຍດລວມຂອງສັງຄົມ, ຢູ່ໃນສິນກິນໃນທຳ. ຝ່າຍ ວາຕີກັງ ເນັ້ນຫນັກວ່າ ປາດຖະຫນາຢາກພັດທະນາການພົວພັນກັບຫວຽດນາມກວ່າອີກ ພ້ອມທັງ ຈະມານະພະຍາຍາມສົມທົບກັບລັດຖະບານຫວຽດນາມ ເປັນຢ່າງດີ ເພື່ອແກ້ໄຂບັນດາບັນຫາແນໃສ່ຊຸກຍູ້ການພົວພັນລະຫວ່າງສອງຝ່າຍ.