ກອງປະຊຸມໂດຍກົງຜ່ານເຄືອຂ່າຍອິນເຕີແນດ ເພື່ອສະຫຼຸບວຽກງານການທະຫານ, ປ້ອງກັນຊາດໃນ 6 ເດືອນຕົ້ນປີ
(ພາບ: truongtansang.net)
(vovworld) – ວັນທີ 4/7, ຢູ່ສຳນັກງານກະຊວງປ້ອງກັນປະເທດ, ຄະນະພັກການທະຫານສູນກາງ, ກະຊວງປ້ອງກັນປະເທດ, ໄດ້ຈັດຕັ້ງກອງປະຊຸມໂດຍກົງຜ່ານເຄືອຂ່າຍອິນເຕີແນດ ເພື່ອສະຫຼຸບວຽກງານການທະຫານ, ປ້ອງກັນຊາດໃນ 6 ເດືອນຕົ້ນປີ ແລະ ຜັນຂະຫຍາຍໜ້າທີ່ 6 ເດືອນທ້າຍປີ 2013. ກອງປະຊຸມໄດ້ເປັນເອກະພາບຕີລາຄາວ່າ: ໃນ 6 ເດືອນຕົ້ນປີນີ້, ຄະນະພັກການທະຫານສູນກາງ, ກະຊວງປ້ອງກັນປະເທດ ແລະ ຄະນະພັກການທະຫານທຸກຂັ້ນ ໄດ້ປະຕິບັດວຽກງານເປັນເສນາທິການໃຫ້ພັກ ແລະ ລັດ, ຄະນະພັກ, ອຳນາດການປົກຄອງທ້ອງຖີ່ນທຸກຂັ້ນ ກ່ຽວກັບໜ້າທີ່ການທະຫານ, ປ້ອງກັນຊາດເປັນຢ່າງດີ; ຍາມໃດກໍ່ເປັນເຈົ້າການສົມທົບກັບຕຳຫຼວດ ແລະ ກຳລັງຕ່າງໆເພື່ອແກ້ໄຂທຸກສະຖານະການຢ່າງທັນການ, ທົ່ວກອງທັບຍາມໃດກໍ່ຍືດໝັ້ນ ແລະ ເຊື່ອໝັ້ນຕໍ່ການຊີ້ນຳນຳພາຂອງພັກ, ການຄຸ້ມຄອງບໍລິຫານຂອງລັດ, ພ້ອມແລ້ວທີ່ຈະຮັບ ແລະ ປະຕິບັດສຳເລັດໜ້າທີ່ທີ່ໄດ້ຮັບມອບໝາຍ. ກ່ຽວກັບໜ້າທີ່ 6 ເດືອນທ້າຍປີ: ກອງປະຊຸມໄດ້ວາງອອກ 16 ໜ້າທີ່ວຽກງານ, ໃນນັ້ນສຸມໃສ່ຊີ້ນຳສືບຕໍ່ຄົ້ນຄ້ວາ, ກຳແໜ້ນສະພາບການ, ບໍ່ໃຫ້ຕົກເຂົ້າສູ່ທ່າຮັບ, ປະຕິບັດລະບອບກຽມພ້ອມສູ້ຮັບ ຕິດພັນກັບການເພີ່ມເຕີມ, ປັບປຸງ ແລະ ຈັດຕັ້ງການຊ້ອບຮົບໃນທຸກຂັ້ນ, ເປັນເສນາທິການ, ສົມທົບກັນແກ້ໄຂທຸກສະຖານະການຢ່າງທັນການ ແລະ ມີປະສິດທິຜົນ, ປົກປ້ອງການເຄື່ອນໄຫວຂຸດຄົ້ນສິນທະເລຂອງຊາວປະມົງ, ປະຕິບັດວຽກງານຕໍ່ສູ້, ປ້ອງກັນ, ຕ້ານອາດສະຍາກຳ, ຕ້ານການຄ້າເຖື່ອນຢູ່ເຂດຊາຍແດນ ແລະ ທະເລໃຫ້ດີ.