( vovworld ) - ງານຕະຫຼາດນັດອຸດສາຫະກຳການຄ້າພາກກາງໄຕຫງວຽນ - ຂົວເຊື່ອນຕໍ່ອາຊີ ກວາງຈິ້ 2012 ໄດ້ອັດລົງໃນຕອນຄໍ່າວັນທີ 31/7. ໂດຍດຳເນີນໄປເປັນເວລາ 6 ວັນ, ງານຕະຫຼາດນັດໄດ້ດຶງດູດ ກວ່າ 70.000 ເທື່ອຄົນທັງພາຍໃນ ແລະ ຕ່າງແຂວງມາຢ້ຽມຊົມ ແລະ ຊື້ເຄື່ອງຂອງຢູ່ກວ່າ 500 ຮ້ານວາງສະແດງ ຂອງ 280 ວິສາຫະກິດ. ບັນດາຜະລິດຕະພັນທີ່ນຳມາວາງສະແດງ, ແນະນຳທີ່ງານຕະຫຼາດນັດ ແມ່ນບັນດາຂະແໜງສິນຄ້າ, ຕົ້ນຕໍ່ ແລະ ຈຳເປັນດ້ວຍຈຸດໝາຍສຸມໃສ່ພັດທະນາຕະຫຼາດສິ້ນຄ້າທີ່ຜະລິດຢູ່ພາຍໃນປະເທດ ຕິດພັນກັບການສົ່ງອອກ. ນີ້ແມ່ນງານຕະຫຼາດນັດທີ່ມີຂອບຂະໜາດໃຫຍ່ທີ່ສຸດນັບແຕ່ກ່ອນມາຮອດປະຈຸບັນເຊິ່ງໄດ້ຈັດຂຶ້ນຢູ່ແຂວງກວາງຈິ້, ອັນໄດ້ດຶງດູດແຂກມາຢ້ຽມຊົມ ແລະ ຊື້ເຄື່ອງຂອງເປັນຈຳນວນຫຼວງຫຼາຍ. ງານຕະຫຼາດນັດໄດ້ສ້າງໂອກາດຮ່ວມມືທຳມາຫາກິນ, ເປີດກວ້າງຕະຫຼາດຜະລິດລະຫວ່າງບັນດາແຂວງພາກກາງ - ໄຕຫງວຽນ ແລະ ບັນດາປະເທດໃນແລວເສດຖະກິດຕາເວັນອອກ - ຕາເວັນຕົກ. ຜ່ານນັ້ນ, ສ້າງເງື່ອນໄຂແມ່ນເພື່ອພົບປະແລກປ່ຽນ, ໂຄສະນາ, ແນະນຳຜະລິດຕະພັນຂອງບັນດາວິສາຫະກິດນີ້ກໍແມ່ນສະຖານທີ່ລະຫຼີ້ນສຳລັບແຂກທ່ອງທ່ຽວມາຢ້ຽມຢາມແຂວງກວາງຈິ້ ໃນໂອກາດງານບຸນຂົວເຊື່ອນຕໍ່ອາຊີ 2012 ອີກດ້ວຍ.