(vovworld) - ເນື່ອງໃນໂອກາດສະເຫຼີມສະຫຼອງ 65 ປີ ແຫ່ງວັນທະຫານເສຍອົງຄະ ແລະ ນັກຮົບທີ່ເສຍສະຫຼະຊີວິດເພື່ອຊາດ (27/7), ຕອນຄຳ່ວັນທີ 14/7, ສະໂມສອນ ”ເຊື່ອມຕໍ່ຜູ້ມີໃຈກຸສົນ” ຂອງນັກຮຽນ, ນັກສຶກສາ ຮ່າໂນ້ຍ ສົມທົບກັບສະມາຄົມນັກຂ່າວຫວຽດນາມ ແລະ ສະມາຄົມນັກຮົບເກົ່າແຂວງ ກວາງຈີ້ ຈັດຕັ້ງງານພົບປະແລກປ່ຽນດ້ວຍຫົວເລື່ອງວ່າ ”ທົ່ວປະເທດມຸ່ງໄປສູ່ກວາງຈີ້”. ບັນດາເພື່ອນຊາວໜຸ່ມຖືວ່າ ນີ້ແມ່ນການຮັບຮູ້ບຸນຄຸນທີ່ມີຕໍ່ບັນດາຄອບຄົວທະຫານເສຍອົງຄະ, ນັກຮົບທີ່ເສຍສະຫຼະຊີວິດເພື່ອເອກະລາດ, ອິດສະຫຼະພາບຂອງຊາດ ແລະຄວາມສະຫງົບສຸກຂອງປະເທດ. Vu Hoang Nam, ນັກສຶກສາຫວຽດນາມທີ່ພວມຮຳ່ຮຽນຢູ່ອາເມລິກາ, ຜູ້ທີ່ເຂົ້າຮ່ວມສະໂມສອນນີ້ໄດ້ເວົ້າວ່າ:
”ການເຄື່ອນໄຫວນີ້ ໄດ້ນຳມາເຊິ່ງບັນດາບົດຮຽນອັນລ້ຳຄ່າທີ່ສຸດໃຫ້ແກ່ພວກນ້ອງ, ເພາະວ່າພວກນ້ອງຮັບຮູ້ໄດ້ ແລະ ມີຄວາມເຂົ້າໃຈຢ່າງເລິກເຊິ່ງກ່ຽວກັບການເສຍສະຫຼະອັນໃຫຍ່ຫຼວງຂອງລຸ້ນພໍ່, ລຸ້ນອ້າຍ. ໂດຍແມ່ນນັກສຶກສາຫວຽດນາມທີ່ພວມໄດ້ຮັບການຮຳ່ຮຽນຢູ່ອາເມລິກາ, ແຕ່ຈິດໃຈນ້ອງຍາມໃດກໍ່ອ່ວາຍເມືອຫາປະເທດ. ໃນບໍ່ຊ້ານີ້, ເມື່ອນ້ອງຮຽນຈົບມະຫາວິທຍາໄລ ຫຼືກາຍເປັນປະລິຍາເອກແລ້ວ, ນ້ອງຫວັງວ່າຈະມີໂອກາດໄດ້ກັບເມືອປະເທດ ເພື່ອປະກອບສ່ວນເລັກໆນ້ອຍໆຂອງຕົນ ເຂົ້າໃນການພັດທະນາປະເທດຊາດ ແລະ ຮັກສາບັນດາຜົນງານໂດຍລຸ້ນກ່ອນປະໄວ້”