ຈີນສະໜັບສະໜູນສປຊອອກມະຕິໃໝ່ມຸ່ງໄປເຖິງການເຊື່ອມຕໍ່ການເຈລະຈານິວເຄຼຍກັບສປປ.ເກົາຫຼີຄືນໃໝ່
ທ່ານລັດຖະມົນຕີວ່າການກະຊວງການຕ່າງປະເທດຈີນ ວາງອີ
(ພາບປະກອບອີນເຕີແນັດ)
(vovworld) – ວັນທີ 27/01, ກ່າວຄຳເຫັນທີ່ກອງປະຊຸມຂ່າວ ພາຍຫຼັງທີ່ມີການພົບປະກັບທ່ານລັດຖະມົນຕີວ່າການກະຊວງການຕ່າງປະເທດອາເມລິກາ John Kerry ທີ່ພວມຢ້ຽມຢາມ ແລະ ເຮັດວຽກຢູ່ປັກກິງ, ທ່ານລັດຖະມົນຕີວ່າການກະຊວງການຕ່າງປະເທດຈີນ ວາງອີ ໃຫ້ຮູ້ວ່າ, ຈີນ ເຫັນດີເປັນເອກະສັນໂດຍຖືວ່າ ສະພາຄວາມໝັ້ນຄົງສະຫະປະຊາຊາດ ຄວນມີການກະທຳຕໍ່ໄປ ແລະ ຮັບຮອງເອົາມະຕິສະບັບໃໝ່ກ່ຽວກັບສປປ.ເກົາຫຼີ ພາຍຫຼັງການທົດລອງນິວເຄຼຍ ຄັ້ງທີ 4 ຂອງພຽງຢາງ ເມື່ອວັນທີ 06/01 ຜ່ານມາ, ເຊິ່ງປະເທດນີ້ຖະແຫຼງວ່າແມ່ນລະເບີດນິວເຄຼຍ. ຕາມທ່ານແລ້ວ, ມະຕິສະບັບໃໝ່ຕ້ອງມຸ່ງໄປເຖິງເລື່ອງນຳບັນຫານິວເຄຼຍໃນແຫຼມເກົາຫຼີ ເຂົ້າໃນການເຈລະຈາ ແມ່ນດີກວ່າເລື່ອງເຮັດໃຫ້ສະພາບການຢູ່ແຫຼມນີ້ເຄັ່ງຕຶງ ແລະ ສັບສົນຍິ່ງຂຶ້ນ. ທ່ານວາງອີ ເນັ້ນໜັກວ່າ, ຈີນ ພ້ອມແລ້ວທີ່ຈະຮັກສາບັນດາການທາບທາມຄວາມເຫັນຢ່າງເລິກເຊິ່ງ ແລະ ຮອບດ້ານກັບທຸກຝ່າຍຢ່າງມີຄວາມຮັບຜິດຊອບ. ທ່ານກໍຊີ້ແຈ້ງວ່າ, ເຫດທົດລອງລະເບີດນິວເຄຼຍຜ່ານມາຂອງສປປ.ເກົາຫຼີ ແມ່ນລະເມີດມະຕິຂອງສະພາຄວາມໝັ້ນຄົງສະຫະປະຊາຊາດ ແລະ ນາບຂູ່ເຖິງລະບົບບໍ່ແຜ່ຂະຫຍາຍອາວຸດນິວເຄຼຍສາກົນ, ສະນັ້ນ ຈີນ ຄັດຄ້ານການກະທຳນີ້.