ຍ້ອງຍໍຊົມເຊີຍຊາວໜຸ່ມຊົນນະບົດເຮັດເສດຖະກິດເກັ່ງ
ພາບປະກອບ
(vovworld) – ຄະນະຊາວໜຸ່ມນະຄອນ ໂຮ່ຈິມິນ ໄດ້ຍ້ອງຍໍຊົມເຊີຍ 25 ແບບຢ່າງຊາວໜຸ່ມຊົນນະບົດທີ່ເຮັດເສດຖະກິດເກັ່ງ. ພິທີຍ້ອງຍໍຊົມເຊີຍນີ້ໄດ້ຮັບການຈັດຕັ້ງໃນວັນທີ 27/10, ໃນຂອບເຂດງານບຸນ “ດອກໄມ້ຂອງປະເທດ” ປີ 2013 ສະຫງວນໃຫ້ສະມາຊິກຊາວໜຸ່ມ, ຊາວໜຸ່ມຢູ່ເຂດຊານນະຄອນ. ໃນວັນບຸນ, ຄະນະຊາວໜຸ່ມຊົນນະບົດ ນອກຈາກໄດ້ຮັບຊົມງານວາງສະແດງບັນດາຜະລິດຕະພັນກະເສດແລ້ວ ຍັງໄດ້ຮັບຄຳປຶກສາກ່ຽວກັບບັນດາແຜນນະໂຍບາຍ, ນະໂຍບາຍຂອງພັກ ແລະ ລັດ ກ່ຽວກັບກະສິກຳ, ຊາວກະສິກອນ , ຊົນນະບົດ, ປຶກສາວຽກເຮັດງານທຳ, ຄວາມຮູ້ດ້ານເສດຖະກິດ. ເອື້ອຍ ຮິ່ງທິເຟືອງກິ່ວງ, ໜຶ່ງໃນບັນດາຊາວໜຸ່ມຊົນນະບົດໄດ້ຮັບການຍ້ອງຍໍໃນຄັ້ງນີ້, ສະແດງວ່າ:
“ຂ້າພະເຈົ້າມ່ວນຫຼາຍທີ່ເປັນໜຶ່ງໃນບັນດາສະມາຊິກຊາວໜຸ່ມໄດ້ຮັບການຍ້ອງຍໍໃນຄັ້ງນີ້ ແລະ ຮູ້ສຶກວ່ານັ້ນເປັນກຳລັງໜູນເພື່ອສູ້ຊົນ. ບໍ່ພຽງແຕ່ເທົ່ານັ້ນ, ຂ້າພະເຈົ້າຍັງມີໂອກາດແລກປ່ຽນ, ຮຳ່ຮຽນເອົາບົດຮຽນຈາກຂະແໜງການອື່ນໆ ເຊິ່ງໃນອະນາຄົດອາດຈະກ່ຽວພັນນຳກັນ. ຂ້າພະເຈົ້າຫວັງວ່າ: ຄະນະຊາວໜຸ່ມ ແລະ ກອງທຶນໜູນຊ່ວຍຊາວໜຸ່ມເປີດກ້ວາງທຶນກູ້ຢືມນີ້ເພື່ອໃຫ້ບັນດາສະມາຊິກຊາວໜຸ່ມບໍ່ທັນມີທຶນອາດຈະສ້າງສຳເລັດໂຄງການຂອງຕົນໃນອະນາຄົດ”