ຍ້ອງຍໍນັກທຸລະກິດ,ວິສາຫະກິດຮ່ວມເດີນທາງພ້ອມກັບສື່ມວນຊົນ
ລາຍການພົບປະແລກປ່ຽນສິລະປະ “ພົບປະກັນໃນເດືອນ 10”
(ພາບ: cand.com.vn)
(vovworld)- ຕອນຄ່ຳ ວັນທີ 23/10, ຢູ່ຮ່າໂນ້ຍ, ສະມາຄົມນັກຂ່າວຫວຽດນາມ, ໜັງສືພີມປະຊາຊົນ ໄດ້ຈັດຕັ້ງລາຍການພົບປະແລກປ່ຽນສິລະປະ “ພົບປະກັນໃນເດືອນ 10”. ລາຍການໄດ້ຄັດເລືອກຍ້ອງຍໍວິສາຫະກິດ 31 ແຫ່ງ ແລະ ນັກທຸລະກິດ ດີເດັ່ນ 6 ຄົນ ປີ 2016 ທີ່ຮ່ວມເດີນທາງ ພ້ອມກັບສື່ມວນຊົນ ໃນບັນດາການເຄື່ອນໄຫວຂອງສັງຄົມ. ທ່ານ ໂຮ່ກວາງເລີ້ຍ, ຮອງປະທານຜູ້ປະຈຳການສະມາຄົມນັກຂ່າວຫວຽດນາມ, ໃຫ້ຮູ້ວ່າ:
“ລາຍການນີ້ ເປັນໂອກາດທີ່ດີ ເພື່ອໃຫ້ບັນດານັກຂ່າວ ແລະ ບັນດານັກທຸລະກິດ ພົບປະແລກປ່ຽນ, ສ້າງເງື່ອນໄຂ ເພື່ອໃຫ້ສື່ມວນຊົນ, ວິສາຫະກິດ ແລະ ນັກທຸລະກິດ ເພີ່ມທະວີການຮ່ວມມືຢ່າງແໜ້ນແຟ້ນກ່ວາອີກ, ປະກອບສ່ວນສ້າງສາປະເທດຊາດ. ບັນດາໝູ່ຄະນະ ແລະ ສ່ວນບຸກຄົນ ໄດ້ຮັບການຍ້ອງຍໍໃນມື້ນີ້ແມ່ນບັນດາວິສາຫະກິດ, ນັກທຸລະກິດດີເດັ່ນ ໃນຖັນແຖວລ້ານໆວິສາຫະກິດ, ນັກທຸລະກິດ ທີ່ບັນດາອົງການສື່ມວນຊົນ ຢູ່ສູນກາງ ແລະ ທ້ອງຖິ່ນໃນທົ່ວປະເທດ ສະເໜີບົ່ງຕົວ ແລະ ຄັດເລືອກ”.
ທີ່ລາຍການ, ສະມາຄົມນັກຂ່າວຫວຽດນາມ, ໜັງສືພິມປະຊາຊົນ ກໍ່ໄດ້ຮຽກຮ້ອງບັນດາວິສາຫະກິດ, ນັກນັກທຸລະກິດ ທີ່ໄດ້ຮ່ວມແຮງຮ່ວມໃຈ ສະໜັບສະໜູນປະຊາຊົນພາກກາງ ທີ່ພວມປະສົບໄພນ້ຳຖ້ວມ.