ໝູ່ຄະນະ,ສ່ວນບຸກຄົນຮັບໃບຍ້ອງຍໍຍ້ອນມີຜົນງານດີໃນການປະຕິບັດ
ຕາມແນວຄິດຄຸນສົມບັດປະທານໂຮ່ຈິມີນ
ພາບ:TTXVN
|
(vovworld)- ວັນທີ 15/5, ທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ໄດ້ເຊັນປະກາດໃຊ້ຄຳສັ່ງເລກທີ 05 ຂອງກົມການເມືອງ ກ່ຽວກັບການຍູ້ແຮງການຮ່ຳຮຽນ ແລະ ປະຕິບັດຕາມແນວຄິດ, ຄຸນສົມບັດ, ປະທານໂຮ່ຈິມີນ. ຄຳສັ່ງໄດ້ຮຽກຮ້ອງ ອົງຄະນະພັກທຸກຂັ້ນ, ບັນດາອົງການຈັດຕັ້ງພັກ, ອຳນາດການປົກຄອງ, ອົງການການເມືອງສັງຄົມທຸກຂັ້ນຊາບຊືມ ແລະ ປະຕິບັດວຽກງານຍູ້ແຮງການຮ່ຳຮຽນ ແລະ ປະຕິບັດຕາມຄຸນສົມບັດ, ປະທານໂຮ່ຈິມີເປັນຢ່າງດີ, ສ້າງການຫັນປ່ຽນຢ່າງແຮງກ່ຽວກັບຄວາມຮັບຮູ້ ແລະ ການກະທຳໃນພັກ, ລະບົບການເມືອງ ແລະ ປະຊາຊົນ, ຫັນການຮ່ຳຮຽນ ແລະ ປະຕິບັດຕາມແນວຄິດ, ຄຸນສົມບັດ ປະທານໂຮ່ຈິມີນ ກາຍເປັນວຽກງານຕື່ນຕົວ, ເປັນປະຈຳຂອງອົງຄະນະພັກທຸກຂັ້ນ, ອົງການຈັດຕັ້ງພັກ, ອຳນາດການປົກຄອງ, ແນວໂຮມປະເທດຊາດຫວຽດນາມ ແລະ ອົງການການເມືອງ ສັງຄົມທຸກຂັ້ນ, ຂອງແຕ່ລະທ້ອງຖິ່ນ, ອົງການ, ຫົວຫນ່ວຍ. ກ່ອນອື່ນໝົດແມ່ນຫົວຫນ້າ, ພະນັກງານ, ສະມາຊິກພັກ, ລັດຖະກອນ, ສະມາຊິກຄະນະຊາວຫນຸ່ມ.
ເນື່ອງໃນໂອກາດນີ້, ຫນັງສືພິມປະຊາຊົນ ມີບົດນຳດ້ວຍຫົວຂໍ້ວ່າ: “ຮ່ຳຮຽນ ແລະ ປະຕິບັດຕາມແນວຄິດ, ຄຸນສົມບັດ ປະທານໂຮ່ຈິມີນ, ຄຳສັ່ງຈາກດວງໃຈຂອງແຕ່ລະຄົນ”. ບົດນຳຖືວ່າເ ເລື່ອງກົມການເມືອງປະກາດໃຊ້ຄຳສັ່ງເລກ 05 ອີກຄັ້ງຫນຶ່ງຢັ້ງຢືນແຜນນະໂຍບາຍໃຫຍ່ຂອງພັກກອມມູນິດຫວຽດນາມ ເພື່ອສືບຕໍ່ຍົກສູງຄວາມຮັບຮູ້ບັນດາເນື້ອໃນພື້ນຖານ ແລະ ຄຸນຄ່າອັນໃຫຍ່ຫລວງຂອງແນວຄິດ, ຄຸນສົມບັດ ປະທານໂຮ່ຈິມີນນັບມື້ນັບເລິກເຊິ່ງກວ່າ.