( vovworld ) - ໃນລະຫວ່າງວັນທີ 24 – 26/6, ທ່ານນາງເລຂາສູນກາງພັກ, ຮອງປະທານສະພາແຫ່ງຊາດຫວຽດນາມ Nguyen Thi Kim Ngan ໄດ້ນຳໜ້າຄະນະການນຳຂັ້ນສູງສະພາແຫ່ງຊາດຫວຽດນາມ ໄປຢ້ຽມຢາມ ແລະ ເຮັດວຽກຢູ່ອາເມລິກາ. ທີ່ບັນດາການເຮັດວຽກ ແລະ ເຈລະຈາລະຫວ່າງທ່ານນາງຮອງປະທານສະພາແຫ່ງຊາດ Nguyen Thi Kim Ngan ກັບບັນດາສະມາຊິກສະພາແຫ່ງຊາດການນຳສັງກັດພັກປະຊາທິປະໄຕ ແລະ ພັກສາທາລະນະລັດ, ແລກປ່ຽນກັບຮອງຜູ້ຊ່ວຍວຽກຂອງທ່ານປະທານາທິບໍດີ, ທີ່ປຶກສາຄວາມໝັ້ນຄົງແຫ່ງຊາດຂອງຮອງປະທານາທິບໍດີອາເມລິກາ Anthony Blinken, ສອງຝ່າຍໄດ້ເຫັນດີຄວນສືບຕໍ່ຍົກສູງການພົວພັນລະຫວ່າງສອງປະເທດໃຫ້ຂຶ້ນສູ່ລະດັບສູງໃໝ່ຢ່າງເລິກເຊິ່ງກວ່າອີກ, ເພື່ອຜົນປະໂຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາໃນພາກພື້ນ. ສອງຝ່າຍໄດ້ແລກປ່ຽນບັນດາມາດຕະການເພີ່ມທະວີການພົບປະຂັ້ນສູງ, ການພົບປະລະຫວ່າງສອງສະພາແຫ່ງຊາດ, ຍູ້ແຮງການຮ່ວມມືໃນທຸກຂົງເຂດ, ໃນນັ້ນມີການເພີ່ມທະວີການແລກປ່ຽນ, ຮ່ວມມືເພື່ອມຸ່ງໄປເຖິງເລື່ອງອາເມລິກາ ຮັບຮູ້ຫວຽດນາມ ແມ່ນປະເທດທີ່ມີພື້ນຖານເສດຖະກິດການຕະຫຼາດໂດຍໄວ ແລະ ສະຫງວນລະບອບໃຫ້ບູລິມະສິດດ້ານພາສີທົ່ວໄປ ( GSP ) ໃຫ້ແກ່ຫວຽດນາມ, ສະກັດກັ້ນການຈັດວາງບັນດາຮົ້ວກີດຂວາງດ້ານການຄ້າສຳລັບສິນຄ້າສົ່ງອອກຂອງຫວຽດນາມ ໄປຍັງຕະຫຼາດອາເມລິກາ. ສອງຝ່າຍກໍແບ່ງປັນທັດສະນະທີ່ວ່າ ຄວນເພີ່ມທະວີການຮ່ວມມື, ປະກອບສ່ວນເຂົ້າໃນບັນດາຄວາມມານະພະຍາຍາມລວມ ໃນການແກ້ໄຂບັນດາສິ່ງທ້າທາຍທີ່ພວມຜົ້ນເດັ່ນຂຶ້ນຄື ການປ່ຽນແປງຂອງດິນຟ້າອາກາດ, ຄ້ຳປະກັນດ້ານສະບຽງອາຫານ ແລະ ຄວາມໝັ້ນຄົງດ້ານພະລັງງານ