ທ່ານນາຍົກລັດຖະມົນຕີ ຟ້າມມິງຈິງກ່າວຄຳເຫັນທີ່ກອງປະຊຸມ (ພາບ:VGP)

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ໄດ້ເນັ້ນໜັກວ່າ ວຽກງານສະຖິຕິມີຄວາມໝາຍສຳຄັນທີ່ສຸດ, ພິເສດແມ່ນໃນການຕີລາຄາ, ວາງແຜນກຳນົດນະໂຍບາຍ. ປີ 2021, ຂະແໜງສະຖິຕິໄດ້ປະຕິບັດໜ້າທີ່ຮັບປະກັນຂໍ້ມູນສະຖິຕິຮັບເພື່ອໃຊ້ວຽກງານຊີ້ນຳ, ບໍລິຫານຂອງລັດຖະບານປີ 2021ໃຫ້ເປັນຢ່າງດີ, ສະພາແຫ່ງຊາດຮັບຮອງເອົາກົດໝາຍປັບປຸງ, ເພີ່ມເຕີມບາງມາດຕາ ແລະ ລາຍການຊ້ອມທ້າຍຄາດໝາຍສະຖິຕິແຫ່ງຊາດຂອງກົດໝາຍວ່າດ້ວຍສະຖິຕິ.

ປີ 2022, ທ່ານນາຍົກລັດຖະມົນຕີ ເນັ້ນໜັກວ່າ ຫວຽດນາມ ຕ້ອງປະຕິບັດ ຫຼາຍເປົ້າໝາຍ, ເປັນຕົ້ນແມ່ນພັດທະນາເສດຖະກິດ, ຮັບປະກັນຊີວິດສັງຄົມ ທັງກຽມພ້ອມການປ້ອງກັນ, ຕ້ານໂລກລະບາດ, ຊີ້ນຳຊຸກຍູ້ການເຄື່ອນໄຫວເສດຖະກິດສັງຄົມຢ່າງຮອບດ້ານເງື່ອນໄຂປົກກະຕິໃໝ່. ກ່ຽວກັບໜ້າທີ່, ວິທີການແກ້ໄຂຕົ້ນຕໍທ່ານນາຍົກລັດຖະມົນຕີຊີ້ແຈ້ງວ່າ:

ຕ້ອງຍົກສູງຄວາມຮັບຮູ້ກ່ຽວກັບວຽກງານສະຖິຕິ, ພິເສດແມ່ນການນຳອຳນາດການປົກຄອງທຸກຂັ້ນ ເມື່ອກຳນົດສະຖິຕິຕ້ອງສັດຊື່ບໍລິສຸດ, ຖືກຕ້ອງ, ທັນການ, ເປັນປະຈຳ, ຕໍ່ເນື່ອງ, ຕ້ອງມີຄວາມໂປງໄສ, ຢ່າງຄົບຖ້ວນ, ຮອບດ້ານ, ການໄຈ້ແຍກ, ຕີລາຄາ, ການຄາດຄະເນຕ້ອງຕິດແທດກັບສະພາບການ, ໄປຄຽງຄູ່ກັນນັ້ນ ຕ້ອງນຳໃຊ້ບັນດາຕົວເລກສະຖິຕິຢ່າງມີປະສິດທິຜົນ.