ທ່ານນາຍົກລັດຖະມົນຕີ ຫງວຽນເຕີນຢຸງ ເຂົ້າຮ່ວມພິທີເປີດສົກຮຽນໃໝ່ຢູ່ມະຫາວິທະຍາໄລແຫ່ງຊາດ ຮ່າໂນ້ຍ
ທ່ານນາຍົກລັດຖະມົນຕີ ຫງວຽນເຕີນຢຸງ
ເຂົ້າຮ່ວມພິທີເປີດສົກຮຽນໃໝ່ຢູ່ມະຫາວິທະຍາໄລແຫ່ງຊາດ ຮ່າໂນ້ຍ
(ພາບ: dantri.com.vn)
(vovworld) – ຕອນເຊົ້າວັນທີ 15/09, ກ່າວຄຳເຫັນທີ່ພິທີເປີດສົກຮຽນໃໝ່ 2014 – 2015 ຢູ່ມະຫາວິທະຍາໄລແຫ່ງຊາດຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢຸງ ເນັ້ນໜັກວ່າ ພັກ ແລະ ລັດຖືການພັດທະນາການສຶກສາເປັນລັດຖະນະໂຍບາຍອັນດັບໜຶ່ງ. ທ່ານນາຍົກລັດຖະມົນຕີ ຫງວຽນເຕີນຢຸງ ຮຽກຮ້ອງວ່າ ໃນສົກຮຽນ 2014 – 2015 ແລະ ສົກຮຽນຕໍ່ໆໄປ, ມະຫາວິທະຍາໄລແຫ່ງຊາດຮ່າໂນ້ຍ ພ້ອມກັບບັນດາມະຫາວິທະຍາໄລ, ວິທະຍາໄລ ໃນທົ່ວປະເທດຕ້ອງປ່ຽນໃໝ່ການບໍລິຫານມະຫາວິທະຍາໄລ, ເປັນເຈົ້າການໃນການປະຕິບັດສິດເປັນເຈົ້າ, ຮັບຜິດຊອບດ້ວຍຕົນເອງສູງ. ທ່ານນາຍົກລັດຖະມົນຕີຊີ້ນຳສືບຕໍ່ປ່ຽນໃໝ່ລາຍການ, ຫຼັກສູດບຳລຸງສ້າງ, ວິທີການສິດສອນ ແລະ ກວດກາຕີລາຄາຕາມມາດຖານສົ້ນອອກ, ເສີມຂະຫຍາຍລັກສະນະເປັນເຈົ້າການ, ມີຫົວຄິດປະດິດສ້າງຂອງນັກຮຽນຢ່າງສູງສຸດ. ທ່ານນາຍົກລັດຖະມົນຕີ ຫງວຽນເຕີນຢຸງ ປາດຖະໜາວ່າ, ມະຫາວິທະຍາໄລຮ່າໂນ້ຍ ກໍ່ຄືບັນດາມະຫາວິທະຍາໄລໃນລະບົບສຶກສາທົ່ວປະເທດ ຕ້ອງເອົາໃຈໃສ່ເປັນພິເສດເຖິງການສຶກສາ, ບຳລຸງສ້າງໃນນັກຮຽນ, ນັກສຶກສາດ້ານຄຸນສົມບັດ, ພູມປັນຍາ, ກຳລັງກາຍ, ຄວາມງາມຢ່າງຮອບດ້ານ, ໂດຍສະເພາະແມ່ນເອົາໃຈໃສ່ເຖິງດ້ານຄຸນສົມບັດ, ບຸກຄະລິກ, ວິຖີດຳລົງຊີວິດທີ່ດີງາມ.