(ທ່ານປະທານປະເທດເຈືອງເຕີນຊາງພົບປະກັບ
ເລຂາທິການໃຫຍ່,ປະທານປະເທດຈີນສີຈີ້ນຜິງ)
(vovworld)- ຕອນບ່າຍວັນທີ 3/9, ຢູ່ຫໍສະພາປະຊາຊົນແຫ່ງຊາດຈີນ, ທ່ານປະທານປະເທດຫວຽດນາມເຈືອງເຕີຊາງ ໄດ້ພົບປະກັບເລຂາທິການໃຫຍ່, ປະທານປະເທດຈີນ ສີຈິ້ນຜິງ. ນະທີ່ນີ້ ທ່ານປະທານປະເທດເຈືອງເຕີນຊາງ ໄດ້ຢືນຢັນ: ບົນພື້ນຖານຫລັກໝັ້ນແນວທາງການຕ່າງປະເທດສັນຕິພາບ, ເອກະລາດ, ເປັນເຈົ້າຕົນເອງ, ຫລາຍຮູບຫລາຍແບບ ແລະຫລາຍຝ່າຍ, ຫວຽດນາມ ຖືເປັນສຳຄັນການພັດທະນາການພົວພັນເປັນປົກກະຕິ, ປອດໃສ ແລະ ຍາວນານກັບພັກ,ລັດ ແລະ ປະຊາຊົນ ຈີນ. ຫວຽດນາມ ປາດຖະຫນາຢາກພ້ອມກັບຈີນ ຊຸກຍູ້ການພົວພັນຄູ່ຮ່ວມມື ການຮ່ວມມືຍຸດທະສາດຮອບດ້ານ ລະຫວ່າງ ຫວຽດນາມ - ຈີນ ຢ່າງແທດຈິງ, ມີປະສິດທິຜົນ. ກ່ຽວກັບບັນຫາທະເລຕາເວັນອອກ, ທ່ານປະທານປະເທດ ເຈືອງເຕີນຊາງ ສະເຫນີ: ສອງຝ່າຍຄວບຄຸມຄວາມບໍ່ລົງລອຍກັນ, ບໍ່ມີການກະທຳເຮັດໃຫ້ສະພາບການສັບສົນຂຶ້ນຕື່ມ, ບໍ່ເປີດກວ້າງການຂັດແຍ້ງ ພ້ອມກັນຮັກສາສັນຕິພາບ, ສະຖຽນລະພາບຢູ່ທະເລຕາເວັນອອກ. ທ່ານເລຂາທິການໃຫຍ່, ປະທານປະເທດຈີນ ສີຈິ້ນຜິງ ຢືນຢັນວ່າ: ການພັດທະນານ້ຳໃຈມິດຕະພາບ ລະຫວ່າງ ຈີນ -ຫວຽດນາມ ແມ່ນທິດນຳສະເໝີຕົ້ນສະເຫມີປາຍ, ບໍ່ມີການປ່ຽນແປງຂອງພັກ, ລັດ ແລະ ປະຊາຊົນຈີນ ແລະ ຖືວ່າ ການພັດທະນາການພົວພັນລະຫວ່າງສອງພັກ, ສອງລັດ ແມ່ນເໝາະສົມກັບຜົນປະໂຫຍດພື້ນຖານຂອງປະຊາຊົນສອງປະເທດ, ມີຜົນປະໂຫຍດໃຫ້ສັນຕິພາບ, ສະຖຽນລະພາບ ແລະ ການພັດທະນາຂອງພາກພື້ນ.