(ພາບປະກອບ: medlatec.vn)
(VOV)- ຕອນບ່າຍວັນທີ 26/11, ຢູ່ນະຄອນດ່ານັງ, ທ່ານຮອງນາຍົກລັດຖະມົນຕີຫງວຽນຊວນຟຸກ, ປະທານຄະນະກຳມະການປ້ອງກັນ, ຕ້ານໂລກ AIDS ແລະ ປ້ອງກັນ, ຕ້ານໄພຢາເສບຕິດ, ໂສເພນີແຫ່ງຊາດ ໄດ້ເປັນປະທານການປະຊຸມກັບກຸ່ມເອກອັກຄະລັດຖະທູດ ແລະ ຫົວໜ້າຜູ້ຕາງໜ້າບັນດາອົງການຈັດຕັ້ງສາກົນປະສານງານໂຄງການປ້ອງກັນ, ຕ້ານເຊື້ອ HIV/ໂລກAIDS. ທີ່ການປະຊຸມ, ທ່ານຮອງນາຍົກລັດຖະມົນຕີຫງວຽນຊວນຟຸກ ໃຫ້ຮູ້ວ່າ: ໃນໄລຍະຜ່ານມາ, ຄຽງຂ້າງບັນດາການເຄື່ອນໄຫວວິຊາສະເພາະເຕັກນິກແລ້ວ, ບັນດາການບໍລິການປ້ອງກັນ, ຕ້ານເຊື້ອ HIV/ໂລກAIDS ຂອງຫວຽດນາມ ໄດ້ຮັບການເປີດກ້ວາງ, ລະບົບບັນດາເອກະສານນິຕິກຳ, ນະໂຍບາຍໃໝ່ໄດ້ຮັບການປະກາດໃຊ້. ທ່ານໃຫ້ຮູ້ວ່າ: ຄາດວ່າ, ຍອດຄ່າໃຊ້ຈ່າຍໃຫ້ແກ່ບັນດາການເຄື່ອນໄຫວປ້ອງກັນ, ຕ້ານເຊື້ອ HIV/ໂລກAIDS ໄລຍະ 2013-2020 ແມ່ນເກືອບ 27.000 ຕື້ດົ່ງ ແລະ ສະເໜີໃຫ້ບັນດາອົງການຈັດຕັ້ງສາກົນຈົ່ງສືບຕໍ່ໃຫ້ຄຳໝັ້ນສັນຍາຢ່າງຈະແຈ້ງກ່ຽວກັບການໜຸນຊ່ວຍໃນໄລຍະທີ່ຈະມາເຖິງ, ຊ່ວຍຫວຽດນາມ ເຊື່ອມຕໍ່ກັບກຸ່ມອາຊຽນໃນວຽກງານປ້ອງກັນ, ຕ້ານເຊື້ອ HIV/ໂລກAIDS. ທ່ານຮອງນາຍົກລັດຖະມົນຕີໃຫ້ຮູ້ວ່າ: ຫວຽດນາມ ສືບຕໍ່ໃຫ້ຄຳໝັ້ນສັນຍາເພີ່ມທະວີການລົງທຶນໃຫ້ແກ່ຈຸດໝາຍປ້ອງກັນ, ຕ້ານເຊື້ອ HIV/ໂລກAIDS ແຫ່ງຊາດ.