ທ່ານຫງວຽນເຕີນຢູງຢ້ຽມຢາມ ແລະ ເຮັດວຽກກັບມະຫາວິທະຍາໄລ ແຫ່ງຊາດຮ່າໂນ້ຍ
ມະຫາວິທະຍາໄລແຫ່ງຊາດຮ່າໂນ້ຍ
(ພາບ: tienphong.vn)
(vovworld) - ຕອນເຊົ້າວັນທີ 18/3, ເມື່ອມາຢ້ຽມຢາມ ແລະ ໂອ້ລົມກັບບັນດາຄູອາຈານ, ນັກວິທະຍາສາດ, ພະນັກງານ, ນັກສຶກສາມະຫາວິທະຍາໄລແຫ່ງຊາດຮ່າໂນ້ຍ, ທ່ານນາຍົກລັດຖະມົນຕີຫງວຽນເຕີນຢູງ ເນັ້ນໜັກວ່າ: ການບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງແມ່ນໜຶ່ງໃນສາມຂອດບຸກທະລຸຍຸດທະສາດ, ນຳຫວຽດນາມ ກາຍເປັນປະເທດອຸດສາຫະກຳຕາມທິດທັນສະໄໝໂດຍພື້ນຖານໃນປີ 2020. ທ່ານນາຍົກລັດຖະມົນຕີຫງວຽນເຕີນຢູງ ຕີລາຄາສູງບັນດາບ້ານກ້າວເດີນຂອງມະຫາວິທະຍາໄລແຫ່ງຊາດຮ່າໂນ້ຍ, ໂດຍສະເພາະແມ່ນໃນການສ້າງ, ຍົກສູງລະດັບຄວາມຮູ້ຂອງຖັນແຖວພະນັກງານ, ຄູອາຈານ, ຍົກສູງຈຳນວນ ແລະ ຄຸນນະພາບການບຳລຸງສ້າງມະຫາວິທະຍາໄລ, ເໜືອມະຫາວິທະຍາໄລເທື່ອລະກ້າວ, ເປີດກ້ວາງການຮ່ວມມືກັບບັນດາມະຫາວິທະຍາໄລໃນໂລກຢ່າງບໍ່ຢຸດຢັ້ງ ແລະ ຄົ້ນຄ້ວາວິທະຍາສາດໃນຫຼາຍຂົງເຂດຢ່າງເລິກເຊິ່ງ… ທ່ານນາຍົກລັດຖະມົນຕີຫງວຽນເຕີນຢູງ ຮຽກຮ້ອງໃຫ້ບັນດາກະຊວງ, ຂະແໜງການທີ່ກ່ຽວຂ້ອງ ຈົ່ງຮີບເຮັ່ງສຳເລັດຮູບແບບການຈັດຕັ້ງ, ກົນໄກເຄື່ອນໄຫວຂອງມະຫາວິທະ ຍາໄລແຫ່ງຊາດຮ່າໂນ້ຍ; ຖືຄຸນນະພາບການບຳລຸງສ້າງມະຫາວິທະຍາໄລ, ເໜືອມະຫາວິທະຍາໄລເປັນສຳຄັນພິເສດ, ມີຄວາມສາມາດຕອບສະໜອງສະພາບແວດລ້ອມແຫ່ງການແກ່ງແຍ້ງທັງຢູ່ພາຍໃນ ແລະ ຕ່າງປະເທດເປັນຢ່າງດີ.