ທ່ານຮອງນາຍົກລັດຖະມົນຕີ ຫວູວັນນິງ ໄດ້ລົງກວດກາ
ວຽກງານກໍ່ສ້າງຊົນນະບົດໃໝ່ຢູ່ແຂວງ ລ້າງເຊີນ
(ພາບ: VanHieu)
(vovworld) – ໂດຍສືບຕໍ່ການປະຕິບັດງານຢູ່ບັນດາແຂວງພູດອຍທາງພາກເໜືອ, ວັນທີ 26/8, ທ່ານຮອງນາຍົກລັດຖະມົນຕີ ຫວູວັນນິງ ຫົວໜ້າຄະນະຊີ້ນຳໂຄງການຈຸດໝາຍແຫ່ງຊາດກໍ່ສ້າງຊົນນະບົດໃໝ່ ໄດ້ລົງກວດກາວຽກງານກໍ່ສ້າງຊົນນະບົດໃໝ່ຢູ່ແຂວງ ລ້າງເຊີນ. ທີ່ຕາແສງ ຮ່ວາງວັນທຸ, ເມືອງ ວັນລ້າງ, ການນຳທ້ອງຖິ່ນຖືວ່າ: ຄວາມຮັບຮູ້ຂອງປະຊາຊົນ ໄດ້ສ້າງເປັນຜົນສຳເລັດໃນການກໍ່ສ້າງຊົນນະບົດໃໝ່. ເມື່ອໂອ້ລົມກັບການນຳຕາແສງ ຮ່ວາງວັນທຸ, ທ່ານຮອງນາຍົກລັດຖະມົນຕີ ຫວູວັນນິງ ສະເໜີວ່າ, ອຳນາດການປົກຄອງທ້ອງຖິ່ນຕ້ອງຊ້ອກຮູ້, ນຳບັນດາຮູບແບບການຜະລິດກະສິກຳເຂົ້າໃນການຜະລິດ, ເຊື່ອມຕໍ່ບັນດາຄອບຄົວຜະລິດ ເພື່ອຜະລິດບັນດາຜະລິດຕະພັນທີ່ສະໝຳ່ສະເໝີ, ມີຄຸນນະພາບເປັນປົກກະຕິ ຈຶ່ງຕອບສະໜອງຄວາມຮຽກຮ້ອງຕ້ອງການຂອງຕະຫຼາດ. ສຳລັບການພັດທະນາໂຄງລ່າງການຜະລິດ ແລະ ໂຄງລ່າງວັດທະນະທຳ, ສັງຄົມຢູ່ເຂດພູດອຍ, ທ່ານຮອງນາຍົກລັດຖະມົນຕີ ຖືວ່າ: ຕ້ອງປັບປຸງແຜນສັງລວມກໍ່ສ້າງຊົນນະບົດໃໝ່ຕາມຂັ້ນບ້ານ, ຫາກບໍ່ຈຳເປັນເຮັດຢູ່ຂັ້ນຕາແສງ. ເຖິງຢ່າງໃດກໍຕາມ, ລັດຖະບານຈະບໍ່ຫລຸດຈຸດໝາຍຊົນນະບົດໃໝ່ຢູ່ບັນດາເຂດນີ້ລົງ.