ທ່ານເລຂາທິການໃຫຍ່ Nguyen Phu Trong ເຮັດວຽກກັບ
ສະພາທິດສະດີສູນກາງ
ພາບ:vietnamnet.vn
|
(vovworld) - ຕອນບ່າຍວັນທີ 29/3 ຢູ່ ຮ່າໂນ້ຍ, ທ່ານເລຂາທິການໃຫຍ່ Nguyen Phu Trong ໄດ້ມີການເຮັດວຽກກັບສະພາທິດສະດີສູນກາງ. ບົດລາຍງານຂອງສະພາທິດສະດີສູນກາງໃຫ້ຮູ້ວ່າ: ໃນ 7 ເດືອນຜ່ານມາ, ສະພາທິດສະດີສູນກາງໄດ້ຈັດຕັ້ງການຜັນຂະຫຍາຍການເຄື່ອນໄຫວວິທະຍາສາດຫລາຍຢ່າງ, ຮັບໃຊ້ວຽກງານນຳພາຂອງພັກຢ່າງທັນການ ແລະ ມີປະສິດທິຜົນ. ສະພາທິດສະດີໄດ້ຈັດຕັ້ງກອງປະຊຸມສຳມະນາຫລາຍຄັ້ງສຳເລັດຜົນ, ລາຍງານກົມການເມືອງ, ຄະນະເລຂາ, ປະກອບສ່ວນໃນການສ້າງບັນດາແຜນຮ່າງຍືນສະເຫນີກອງປະຊຸມ ຄັ້ງທີ 4 ແລະ ຄັ້ງທີ 5 ຂອງ ຄະນະບໍລິຫານງານສູນກາງພັກກອມມູນິດຫວຽດນາມຊຸດທີ 11 ສຳເລັດຜົນ, ສ້າງໂຄງການຄົ້ນຄ້ວາທິດສະດີການເມືອງໄລຍະ 2011 - 2015. ໃນໄລຍະຈະມາເຖິງ, ສະພາທິດສະດີສູນກາງຈະສຸມໃສ່ຕິດຕາມສະພາບການການເມືອງ, ເສດຖະກິດ, ສັງຄົມ ຢູ່ພາກພື້ນ ແລະ ໃນໂລກ, ກຳແຫນ້ນພຶດຕິກຳຕົວຈິງຂອງປະເທດຊາດ, ພົບເຫັນ ແລະ ຄາດຄະເນບັນຫາໃຫມ່, ຮີບດ່ວນ ໃນວິວັດການສ້າງສາ ແລະ ປົກປັກຮັກສາປະເທດຊາດ, ເປັນເຈົ້າການໃນການສະເຫນີ ແລະ ຈັດຕັ້ງຄົ້ນຄ້ວາ, ສະຫນອງຫລັກຖານທິດສະດີ ພຶດຕິກຳຕົວຈິງເປັນພື້ນຖານໃຫ້ແກ່ການວາງແຜນກຳນົດ, ພັດທະນາແນວທາງນະໂຍບາຍຂອງພັກ. ກ່າວຄຳເຫັນທ່ີການເຮັດວຽກ, ທ່ານເລຂາທິການໃຫຍ່ Nguyen Phu Trong ຖືວ່າ: ສະພາທິດສະດີສູນກາງຕ້ອງສືບຕໍ່ປ່ຽນໃຫມ່ຢ່າງແຂງແຮງກວ່າອີກ, ເສີມຂະຫຍາຍບົດບາດຂອງຕົນ, ເພີ່ມທະວີການປະສານສົມທົບກັບອົງການຄົ້ນຄ້ວາວິທະຍາສາດ, ຄະນະພັກຢ່າງແຫນ້ນແຟ້ນ, ສືບຕໍ່ມີການປະກອບສ່ວນສຳຄັນໃນວຽກງານເສນາທິການ, ກວດກາ, ເປັນທີ່ປຶກສາໃຫ້ແກ່ກົມການເມືອງ, ຄະນະເລຂາ, ປະກອບສ່ວນໂດຍກົງເຂົ້າໃນການວາງແຜນກຳນົດ ແລະ ຜັນຂະຫຍາຍແນວທາງນະໂຍບາຍຂອງພັກ, ປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກຢ່າງມີໄຊ.