ນາຍົກລັດຖະມົນຕີຈີນຫຼີເຄີຊຽນ:ອຳນາດການປົກຄອງຮົງກົງອາດສາມາດຮັບປະກັນຄວາມປອດໄພ
ທ່ານນາຍົກລັດຖະມົນຕີ ຈີນ ຫຼີເຄີຊຽນ ແລະ ທ່ານນາງນາຍົກລັດຖະມົນຕີ ເຢຍລະມັນ Angela Merkel
(ພາບ: AFP/TTXVN)
(vovworld) – ວັນທີ 10/10, ທ່ານນາຍົກລັດຖະມົນຕີ ຈີນ ຫຼີເຄີຊຽນ ຢັ້ງຢືນວ່າ: ເຂດບໍລິຫານພິເສດ ຮົງກົງ (ຈີນ) ອາດສາມາດຮັບປະກັນສູນການເງິນສາກົນແມ່ນບ່ອນປອດໄພບໍ່ພຽງແຕ່ສຳລັບປະຊາຊົນຢູ່ທີ່ນີ້ເທົ່ານັ້ນ ຫາກຍັງສຳລັບບັນດານັກລົງທຶນຕ່າງປະເທດອີກດ້ວຍ. ກ່າວຄຳເຫັນທີ່ການປະຊຸມຂ່າວກັບທ່ານນາງນາຍົກລັດຖະມົນຕີ ເຢຍລະມັນ Angela Merkel ພາຍຫຼັງສິ້ນສຸດຮອບທີ 3 ການທາບທາມຄວາມເຫັນລວມລະຫວ່າງລັດຖະບານ 2 ປະເທດຢູ່ ແບກລີນ, ທ່ານນາຍົກລັດຖະມົນຕີ ຫຼີເຄີຊຽນ ໃຫ້ຮູ້ວ່າ: ອຳນາດການປົກຄອງ ຮົງກົງ ອາດສາມາດຮັກສາຄວາມວັດທະນາຖາວອນດ້ານເສດຖະກິດ ກໍ່ຄືຄວາມສະຖຽນລະພາບທາງສັງຄົມເໝາະສົມກັບກົດໝາຍ, ພ້ອມທັງຮັບປະກັນບັນດາສິດຜົນປະໂຫຍດພື້ນຖານຂອງນັກລົງທຶນ ເຢຍລະມັນ ກໍ່ຄືບັນດານັກລົງທຶນຈາກຕ່າງປະເທດ. ທ່ານ ຢັ້ງຢືນຫຼັກການ “ປະເທດໜຶ່ງ, ສອງລະບອບ” ຈະບໍ່ປ່ຽນແປງ, ຮົງກົງວັດທະນາຖາວອນ ແລະ ສະຖຽນລະພາບຈະນຳມາເຊິ່ງຜົນປະໂຫຍດໃຫ້ທັງ ຈີນ ແລະ ຮົງກົງ. ທ່ານກ່າວເຕືອນບັນດາກຳລັງພາຍນອກບໍ່ຄວນແຊກແຊງເຂົ້າວຽກງານຂອງ ຮົງກົງ, ພ້ອມທັງເນັ້ນໜັກວ່ານັ້ນແມ່ນວຽກງານພາຍໃນຂອງ ຈີນ.