ນາຍົກລັດຖະມົນຕີຫງວຽນຊວນຟຸກເປັນປະທານກອງປະຊຸມສະຫຼຸບວຽກງານປະຕິຮູບດ້ານການບໍລິຫານແຫ່ງລັດ2011-2015
ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ເປັນປະທານ
ກອງປະຊຸມສະຫລຸບວຽກງານປະຕິຮູບດ້ານການບໍລິຫານແຫ່ງລັດ
(vovworld) - ຕອນເຊົ້າວັນທີ 17/08 ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ເປັນປະທານກອງປະຊຸມສະຫລຸບວຽກງານປະຕິຮູບດ້ານການບໍລິຫານແຫ່ງລັດໄລຍະ 2011 – 2015 ແລະ ທິດທາງ, ໜ້າທີ່ປະຕິຮູບດ້ານການບໍລິຫານແຫ່ງລັດໄລຍະ 2016 – 2020. ກ່າວຄຳເຫັນໄຂກອງປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ຮຽກຮ້ອງບັນດາກະຊວງ, ຂະແໜງການ, ທ້ອງຖິ່ນປະກອບສ່ວນເຂົ້າໃນການປະຕິຮູບດ້ານການບໍລິຫານຢ່າງມີປະສິດທິຜົນ ແລະ ແທດຈິງ, ຮັບໃຊ້ປະຊາຊົນ ແລະ ວິສາຫະກິດ. ທ່ານຊີ້ແຈ້ງວ່າ ລັດຖະບານພວມຕັດສິນສ້າງລັດຖະບານໂດຍກໍ່ການປັບປຸງ, ມີຄວາມຊື່ສັດບໍລິສຸດ ແລະ ມີການກະທຳຢ່າງຂ້ຽວຂາດ ເພື່ອຮັບໃຊ້ປະຊາຊົນ, ພັດທະນາປະເທດຊາດ, ທ່ານນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ: ລັດຖະບານຢາກຮັບຟັງບັນດາກະຊວງ, ຂະແໜງການ, ທ້ອງຖິ່ນເຂົ້າຮ່ວມກອງປະຊຸມນຳສະເໜີວິທີການແກ້ໄຂ ເພື່ອປະຕິບັດພາລະກິດປະຕິຮູບດ້ານການບໍລິຫານໃຫ້ປະສົບກັບຜົນສຳເລັດໃນໄລຍະຈະມາເຖິງ. ທ່ານນາຍົກລັດຖະມົນຕີ ເນັ້ນໜັກວ່າ: ພະນັກງານ, ລັດຖະກອນນັບແຕ່ຂັ້ນສູນກາງລົງຂັ້ນທ້ອງຖິ່ນ ຕ້ອງຍົກສູງຄວາມຮັບຜິດຊອບໃນວຽກງານປະຕິຮູບດ້ານການບໍລິຫານ. ທ່ານນາຍົກລັດຖະມົນຕີ ຫງວຽນຊວນຟຸກເນັ້ນໜັກວ່າ :
“ ຂ້າພະເຈົ້າເນັ້ນໜັກວ່າ ລັດຖະບານເຄື່ອນໄຫວເພື່ອຮັບໃຊ້, ບໍ່ແມ່ນລັດຖະບານເຄື່ອນໄຫວເພື່ອສະແຫວງຫາຜົນປະໂຫຍດໃຫ້ຕົນເອງ. ຕ້ອງສືບຕໍ່ປະຕິຮູບດ້ານການເງິນສາທາລະນະຢ່າງແຂງແຮງ, ເຮັດແນວເພື່ອນຳໃຊ້ເງິນເສຍອາກອນຂອງປະຊາຊົນຢ່າງມີປະສິດທິຜົນເພື່ອຜົນປະໂຫຍດລວມຂອງປະຊາຊົນ ແລະ ຂອງສັງຄົມ ”