ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກກ່າວຄຳເຫັນທີ່ກອງປະຊຸມຜ່ານເຄືອຂ່າຍອິນເຕີເນັດກ່ຽວກັບການແກ້ໄຂຜົນຮ້າຍຂອງໄພນ້ຳຖ້ວມຢູ່ພາກກາງ |
(vovworld)- ຕໍ່ໜ້າສະພາບຝົນຕົກນ້ຳຖ້ວມທີ່ພວມຜັນແປຢ່າງສັບສົນຢູ່ບັນດາແຂວງພາກກາງຫວຽດນາມ, ຕອນເຊົ້າວັນທີ 17/12, ຢູ່ຮ່າໂນ້ຍ, ຄະນະຊີ້ນຳສູນກາງກ່ຽວກັບການປ້ອງກັນ ແລະ ຕ້ານໄພທຳມະຊາດໄດ້ສົມທົບກັບຄະນະກຳມະການແຫ່ງຊາດກ່ຽວກັບການກູ້ໄພກູ້ຊີບ ຈັດກອງປະຊຸມຜ່ານເຄືອຂ່າຍອິນເຕີເນັດກັບການນຳ 9 ແຂວງພາກກາງເພື່ອສືບຕໍ່ພ້ອມກັບບັນດາທ້ອງຖິ່ນຜັນຂະຫຍາຍບັນດາວິທີການແກ້ໄຂຜົນຮ້າຍຂອງໄພນ້ຳຖ້ວມ. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ເວົ້າວ່າ:
“ ບັນດາສະມາຊິກຄະນະຊີ້ນຳຂັ້ນສູນກາງ ແລະ ທ້ອງຖິ່ນ ຕ້ອງສົມທົບກັບກຳລັງຊາວໜຸ່ມ, ໄວໜຸ່ມເພື່ອໄປຊ່ວຍເຫຼືອປະຊາຊົນຢູ່ເຂດປະສົບໄພນ້ຳຖ້ວມ, ປຸກເຮືອນໃຫ້ເຂົາເຈົ້າຄືນໃໝ່, ບໍ່ປະໃຫ້ເຂົາເຈົ້າຖືກຕົກຢູ່ສະພາບ ນອນກາງດິນ ກິນກາງຊາຍ. ສຸມໃສ່ບູລະນະພື້ນຖານໂຄງລ່າງ, ຟື້ນຟູການຜະລິດລະດູໜາວຕໍ່ລະດູບານໃໝ່, ກະກຽມບັນດາເງື່ອນໄຂເພື່ອຮັບປະກັນຄວາມສະຫງົບສຸກໃຫ້ແກ່ປະຊາຊົນ ”