(vovworld) – ໃນຂອບເຂດກອງປະຊຸມລັດຖະມົນຕີເສດຖະກິດອາຊຽນຄັ້ງທີ 47 ແລະ ບັນດາກອງປະຊຸມທີ່ກ່ຽວຂ້ອງ, ວັນທີ 24/08, ໄດ້ດຳເນີນກອງປະຊຸມລັດຖະມົນຕີບັນດາປະເທດເຂົ້າຮ່ວມສັນຍາຄູ່ຮ່ວມມືເສດຖະກິດພາກພື້ນຮອບດ້ານ (RCEP). ທີ່ກອງປະຊຸມ, ບັນດາລັດຖະມົນຕີທີ່ມາຈາກ 16 ປະເທດອາຊີ - ປາຊີຟິກ ໄດ້ເຫັນດີກ່ຽວກັບວິທີແລກປ່ຽນສິນຄ້າ, ໝາຍຄວາມວ່າດ້ວຍຂໍ້ກຳນົດກ່ຽວກັບອັດຕາສ່ວນສິນຄ້າ ຈະໄດ້ຍົກເວັ້ນພາສີ. ນີ້ໄດ້ຮັບການຕີລາຄາວ່າ ແມ່ນຜົນສຳເລັດ ແລະ ບາດກ້າວບຸກທະລຸທີ່ໃຫຍ່ຫຼວງ ໃນວິວັດການເຈລະຈາ ເພື່ອມຸ່ງໄປເຖິງຂໍ້ຕົກລົງດ້ານການຄ້າເສລີຂອບເຂດພາກພື້ນ.
ບັນດາລັດຖະມົນຕີຖືວ່າ, ຄະນະກຳມະການເຈລະຈາການຄ້າ RCEP ຕ້ອງມານະພະຍາຍາມກ່ວາອີກ ເພື່ອບັນລຸໄດ້ຂໍ້ຕົກລົງຢ່າງສົມດູນ, ລະອຽດໂດຍມີການຄິດໄລ່ເຖິງແຕ່ລະກໍລະນີ ກໍຄືການເປັນຫຼາຍຮູບຫຼາຍແບບຂອງບັນດາປະເທດເຂົ້າຮ່ວມ RCEP, ລວມທັງບັນດາປະເທດພັດທະນາທີ່ສຸດ ຕະຫຼອດຮອດບັນດາປະເທດດ້ອຍພັດທະນາໃນພາກພື້ນ.