ບັນດາວິສາຫະກິດແຟງລັງຕີລາຄາສູງຄວາມສາມາດບົ່ມຊ້ອນລົງທຶນຢູ່ຫວຽດນາມ
ຮອງນາຍົກລັດຖະມົນຕີ ຮ່ວາງຈູງຫາຍ ເປັນປະທານກອງປະຊຸມສຳມະນາກັບຜູ້ຕາງໜ້າ
ວິສາຫະກິດ ແຟງລັງ
(ພາບ: Mạnh Hùng/TTXVN)
(vovworld) – ໃນຂອບເຂດການຢ້ຽມຢາມ ແລະ ເຮັດວຽກຢູ່ ແຟງລັງ, ວັນທີ 26/9, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ມີການພົບປະກັບຜູ້ຕາງໜ້າວົງການວິສາຫະກິດ ແຟງລັງ ຢູ່ສຳນັກງານສະຫະພັນບັນດາວິສາຫະກິດປະເທດນີ້. ທີ່ການພົບປະ, ບັນດາວິສາຫະກິດ ແຟງລັງ ລ້ວນແຕ່ຕີລາຄາສູງຄວາມສາມາດບົ່ມຊ້ອນໃນການລົງທຶນຢູ່ຕະຫຼາດ ຫວຽດນາມ, ສະແດງຄວາມຫວັງວ່າ ການຢ້ຽມຢາມ ແລະ ເຮັດວຽກຂອງທ່ານຮອງນາຍົກລັດຖະມົນຕີ ຮ່ວາງຈູງຫາຍ ຈະປະກອບສ່ວນຊຸກຍູ້ການຮ່ວມມື 2 ຝ່າຍຢ່າງແຮງ. ບັນດາວິສາຫະກິດເຄື່ອນໄຫວໃນຂົງເຂດຄື: ບຳບັດນ້ຳເສຍ, ສິ່ງເສດເຫຼືອຈາກອຸດສາຫະກຳ, ພະລັງງານ, ໄຟຟ້າ, ທະນາຄານ, ການເງິນ ແລະ ບຳລຸງສ້າງທາງການບິນລ້ວນແຕ່ສະແດງຄວາມປະທັບໃຈຕໍ່ສະພາບແວດລ້ອມແຫ່ງການລົງທຶນຢູ່ ຫວຽດນາມ. ຜູ້ຕາງໜ້າບາງວິສາຫະກິດມີໂຄງການລົງທຶນຢູ່ ຫວຽດນາມ ກໍ່ຕີລາຄາສູງປະສິດທິຜົນແຫ່ງການລົງທຶນ, ຖືວ່າສະພາບແວດລ້ອມແຫ່ງການລົງທຶນຢູ່ ຫວຽດນາມ ພວມຫັນປ່ຽນຢ່າງແຮງ ແລະ ເໝາະສົມເພື່ອເພີ່ມທະວີການຮ່ວມມື, ລົງທຶນກ່ວາອີກ.