ບັນດາສັນຍາການຄ້າເສີລີໄດ້ສ້າງກາລະໂອກາດພັດທະນາໃຫ້ກະສິກຳຫວຽດນາມ
.jpg)
(ທ່ານຮອງນາຍົກລັດຖະມົນຕີ ເວືອງດິງເຫ້ວມອບລາງວັນ
“ຊາວກະສິກອນດີເດັ່ນ - ໃຫ້ລະດູການເກັບກ່ຽວໄດ້ຮັບຜົນດີ” ປີ 2015)
(vovworld) - ກ່າວຄຳເຫັນທີ່ພິທີມອບລາງວັນ “ຊາວກະສິກອນດີເດັ່ນ - ໃຫ້ລະດູການເກັບກ່ຽວໄດ້ຮັບຜົນດີ” ປີ 2015, ຖືກດຳເນີນໃນຕອນຄ່ຳວັນທີ 13/06, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ ເວືອງດິງເຫ້ວ, ຫົວໜ້າຄະນະຊີ້ນຳໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່ເນັ້ນໜັກວ່າ: ບັນດາສັນຍາການຄ້າເສລີໂດຍຫວຽດນາມ ລົງນາມກັບປະເທດຕ່າງໆ, EU ແລະ ກຸ່ມອາຊຽນ ຈະສ້າງກາລະໂອກາດຫຼາຍຢາງໃຫ້ພື້ນຖານເສດຖະກິດ, ໂດຍສະເພາະແມ່ນຜະລິດຕະພັນກະເສດ. ທ່ານຮອງນາຍົກລັດຖະມົນຕີເນັ້ນໜັກວ່າ, ລັດຖະບານມີແຜນນະໂຍບາຍຢ່າງສະເໝີຕົ້ນສະເໝີປາຍ, ຍາວໄກ ແລະ ເປັນພື້ນຖານ ແມ່ນຮັກສາການສ້າງໂຄງປະກອບໃຫ້ກາຍເປັນພື້ນຖານກະສິກຳຕາມທິດພັດທະນາແບບຍືນຍົງ, ຈັດຕັ້ງການຜະລິດຄືນໃໝ່ ແລະ ນຳໃຊ້ຄວາມກ້າວໜ້າດ້ານວິທະຍາສາດ, ເຕັກໂນໂລຊີເຂົ້າໃນການຜະລິດ. ທ່ານຮອງນາຍົກລັດຖະມົນຕີ ປາດຖະໜາວ່າ, ໃນໄລຍະຈະມາເຖິງຈະມີ ຊາວກະສິກອນ, ສະຫະກອນທີ່ເປັນແບບຢ່າງດີເດັ່ນກວ່າ, ເພື່ອປະກອບສ່ວນເຂົ້າໃນໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່ຂອງທົ່ວປະເທດ.