(ພາບປະກອບ)
(vovworld) - ໝາກຜົນການຢັ່ງຫາງສຽງດ້ານການເມືອງໃນທົ່ວປະເທດ ໂດຍສະຖາບັນຄົ້ນຄ້ວາພັດທະນາບໍລິຫານ ໄທ (NIDA) ດຳເນີນໄດ້ຊີ້ໃຫ້ເຫັນວ່າ: ນັບມື້ນັບມີປະຊາຊົນຫລາຍຄົນຂອງປະເທດນີ້ ລັງເລໃຈກ່ຽວກັບເລື່ອງໄປປ່ອນບັດໃນການລົງປະຊາມະຕິກ່ຽວກັບຮ່າງລັດຖະທຳມະນູນໃນເດືອນ 8 ຈະມາເຖິງ. ໝາກຜົນໄດ້ປະກາດໃນວັນທີ 03/07 ຜ່ານມາ ແມ່ນການຢັ່ງຫາງສຽງຄັ້ງທີ 6 ຂອງສະຖາບັນ NIDA. ຕາມນັ້ນແລ້ວ, ມີຜູ້ຖືກຖານເຖິງ 62,80% ຍັງບໍ່ທັນຕັດສິນໃຈວ່າ ຈະເຂົ້າຮ່ວມການປ່ອນບັດຫຼືບໍ, ເພີ່ມຂຶ້ນເກືອບທົບ 2 ເທົ່າ ເມື່ອທຽບໃສ່ການຢັ່ງຫາງສຽງຄັ້ງທຳອິດຂອງສະຖາບັນດັ່ງກ່າວ. ນອກນັ້ນ ມີ 27,3% ຄົນເວົ້າວ່າ ເຂົາເຈົ້າຈະປ່ອນບັດສະໜັບສະໜູນຮ່າງລັດຖະທຳມະນູນ ໃນຂະນະທີ່ມີ 3,7% ຄົນເວົ້າວ່າຈະໄປປ່ອນບັດແຕ່ຍັງບໍ່ທັນມີການຕັດສິນສຸດທ້າຍເທື່ອ ແລະ 6,8% ຖະແຫຼງວ່າຈະປ່ອນບັດຄັດຄ້ານ.