ປະທານຄະນະກຳມະການສູນກາງແນວໂຮມປະເທດຊາດຫວຽດນາມອວຍພອນຍົດຖາບັນດາສັກພຸດທະສາສະຫນາຮ່ວາຫາວ
(vovworld)- ເນື່ອງໃນໂອກາດພິທີສະເຫລີມສະຫລອງວັນສ້າງຕັ້ງພຸດທະສາສະຫນາຮ່ວາຫາວປີ 2015, ທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ສົ່ງຈົດໝາຍອວຍພອນສະພາບໍລິຫານງານສູນກາງ, ຍົດຖາບັນດາສັກ ແລະ ປະຊາຊົນເຊື່ອຖືພຸດທະສາສະຫນາຮ່ວາຫາວ. ໃນຈົດໝາຍ ທ່ານ ຫງວຽນທ້ຽນເຍີນ ຮັບຮູ້ ແລະ ຕີລາຄາສູງບັນດາການປະກອບສ່ວນຢ່າງຕັ້ງຫນ້າຂອງປະຊາຊົນເຊື່ອຖືພຸດທະສາສະຫນາຮ່ວາຫາວສຳລັບພາລະກິດມະຫາສາມັກຄີທົ່ວປວງຊົນທັງຊາດ, ສ້າງສາ ແລະ ປົກປັກຮັກສາປະເທດຊາດໃນຕະຫລອດຊຸມປີຜ່ານມາ. ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຊື່ອໝັ້ນວ່າ ໃນໄລຍະຈະມາເຖິງ, ສະພາບໍລິຫານງານສູນກາງ ແລະ ປະຊາຊົນເຊື່ອຖືພຸດທະສາສະຫນາ ຮ່ວາຫາວ ຈະສືບຕໍ່ຮ່ວມແຮງຮ່ວມໃຈພ້ອມກັບປະຊາຊົນໃນທົ່ວປະເທດເພີ່ມພູນຄູນສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ເພີ່ມທະວີຄວາມເຫັນດີເຫັນພ້ອມໃນສັງຄົມ.