ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຢ້ຽມຢາມ,ອວຍພອນບັນດາຜູ້ເຮັດວຽກງານສື່ມວນຊົນ
(ທ່່ານ ຫງວຽນທ້ຽນເຍີນ ຢ້ຽມຢາມ ແລະ ອວຍພອນ
ໜັງສືພິມກອງທັບປະຊາຊົນ)
(vovworld) – ເນື່ອງໃນໂອກາດສະເຫຼີມສະຫຼອງ 90 ປີແຫ່ງວັນສື່ມວນຊົນປະຕິວັດ ຫວຽດນາມ, ຕອນຄຳ່ວັນທີ 11/6, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ໄດ້ລົງຢ້ຽມຢາມ, ອວຍພອນໜັງສືພິມກອງທັບປະຊາຊົນ ແລະ ຕຳຫຼວດປະຊາຊົນ. ກ່າວຄຳເຫັນທີ່ 2 ອົງການດັ່ງກ່າວ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ຕີລາຄາສູງການປະກອບຫຼາຍຢ່າງໃຫຍ່ຫຼວງຂອງບັນດາອົງການສື່ມວນຊົນ, ບັນດາຜູ້ເຮັດວຽກງານສື່ມວນຊົນເວົ້າລວມ ແລະ ກຳລັງປະກອບອາວຸດເວົ້າສະເພາະຕໍ່ພາລະກິດສ້າງສາ, ພັດທະນາປະເທດຊາດ. ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ຖືວ່າ: ການປະກອບສ່ວນຫຼາຍຢ່າງຂອງຜູ້ເຮັດວຽກງານສື່ມວນຊົນໃນກຳລັງປະກອບອາວຸດໄດ້ປະກອບສ່ວນສຳຄັນໃນການກຳນົດທິດ, ແນວຄິດຂອງພະນັກງານ, ນັກຮົບໃນກຳລັງປະກອບອາວຸດ ກໍຄືຜູ້ອ່ານໃນທົ່ວປະເທດ. ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ ສະແດງຄວາມເຊື່ອໝັ້ນວ່າ: ບັນດານັກຂ່າວຈະສືບຕໍ່ຍົກສູງຄວາມເອກອ້າງທະນົງໃຈຕໍ່ວິຊາຊີບຂອງຕົນ, ປະກອບສ່ວນພ້ອມກັບສື່ມວນຊົນທົ່ວປະເທດເຮັດໜ້າທີ່ກຳນົດທິດຫາງສຽງສັງຄົມເປັນຢ່າງດີ.