ປະທານປະເທດເຈືອງເຕີນຊາງພົບປະກັບຜູ້ມີສິດເລືອກຕັ້ງນະຄອນໂຮ່ຈິມິນ
ທ່ານປະທານປະເທດເຈືອງເຕີນຊາງ
ພົບປະກັບຜູ້ມີສິດເລືອກຕັ້ງນະຄອນໂຮ່ຈິມິນ
(ພາບ: nld.com.vn)
(vovworld) – ໂດຍປະຕິບັດລາຍການພົບປະກັບຜູ້ມີສິດເລືອກຕັ້ງ ກ່ອນຈັດກອງປະຊຸມສະໄໝສາມັນເທື່ອທີ 9, ສະພາແຫ່ງຊາດຫວຽດນາມ ຊຸດທີ 13, ວັນທີ 16/05, ທ່ານປະທານປະເທດ ເຈືອງເຕີນຊາງ ພ້ອມກັບຄະນະສະມາຊິກສະພາແຫ່ງຊາດ ຫົວໜ່ວຍເລືອກຕັ້ງເລກ 1, ຄະນະສະມາຊິກສະພາແຫ່ງຊາດນະຄອນໂຮ່ຈິມິນ ໄດ້ມີການພົບປະກັບຜູ້ມີສິດເລືອກຕັ້ງເມືອງ 1. ບັນດາຜູ້ມີສິດເລືອກຕັ້ງຊົມເຊີຍກອງປະຊຸມຄັ້ງນີ້ ໄດ້ປຶກສາຫາລືບັນດາເນື້ອໃນສຳຄັນໃນວຽກງານປັບປຸງຈັດລັດ, ຕີລາຄາສະພາບເສດຖະກິດສັງຄົມ ແນໃສ່ຊອກຫາມາດຕະການພັດທະນາໃນຊຸມເດືອນທ້າຍປີ 2015.
ເມື່ອແລກປ່ຽນກັບຜູ້ມີສິດເລືອກຕັ້ງກ່ຽວກັບສະພາບການພັດທະນາເສດຖະກິດສັງຄົມ, ທ່ານປະທານປະເທດ ເນັ້ນໜັກວ່າ, ພາຍຫຼັງໄລຍະ 30 ປີແຫ່ງການປ່ຽນໃໝ່, ປະເທດບັນລຸໄດ້ບັນດາຜົນງານຢ່າງໃຫຍ່ຫຼວງ, ບົດບາດ, ທີ່ຕັ້ງຂອງຫວຽດນາມ ນັບມື້ນັບໄດ້ຮັບການຍົກສູງຂຶ້ນບົນເວທີສາກົນ, ແຕ່ຍັງທີສິ່ງຈຳກັດທີ່ຕ້ອງໄດ້ຮັບການແກ້ໄຂຢູ່. ທ່ານປະທານປະເທດໄດ້ຮັບຮູ້ຄຳເຫັນຂອງຜູ້ມີສິດເລືອກຕັ້ງກ່ຽວກັບການພັດທະນາອຸດສາຫະກຳ, ວຽກງານຊັບຊ້ອນພະນັກງານ, ປະກອບຄຳເຫັນໃສ່ເອກະສານຍື່ນສະເໜີຕໍ່ກອງປະຊຸມໃຫຍ່ຜູ້ແທນທົ່ວປະເທດພັກກອມມູນິດຫວຽດນາມ ຊຸດທີ 12 ຈະມາເຖິງ. ເມື່ອເຕື້ອງເຖິງບົດບາດຕິດຕາມກວດກາຂອງສະພາແຫ່ງຊາດ, ຂອງບັນດາອົງການ, ຄະນະ, ຂະແໜງການ, ທ່ານປະທານປະເທດ ເຈືອງເຕີນຊາງຖືວ່າ, ໃນຊຸມປີມໍ່ໆມານີ້ ວຽກງານຕິດຕາມກວດກາຂອງສະພາແຫ່ງຊາດ, ບັນດາຄະນະສະມາຊິກສະພາແຫ່ງຊາດໄດ້ເພີ່ມຂຶ້ນຢ່າງແຮງ ແຕ່ປະສິດທິຜົນພາຍຫຼັງການຕິດຕາມກວດກາຍັງບໍ່ທັນສູງ. ສະນັ້ນ, ຕ້ອງປ່ຽນໃໝ່ໃນການປະຕິບັດບົດບາດໜ້າທີ່ສຳຄັນນີ້ຂອງສະພາແຫ່ງຊາດ.
ສຳລັບວຽກງານສ້າງກົດໝາຍ, ໃນນັ້ນມີປະມວນກົດໝາຍແພ່ງ (ສະບັບປັບປຸງ) ມີການກະທົບເຖິງປະຊາຊົນທຸກຄົນ, ທ່ານປະທານປະເທດໃຫ້ຮູ້ວ່າ ຮ່າງປະມວນກົດໝາຍແພ່ງ (ສະບັບປັບປຸງ) ຈະຖືກນຳມາຮັບເອົາຄຳເຫັນຈາກປະຊາຊົນເພື່ອໃຫ້ມີລັກສະນະເປັນໄປສູງ.