(vovworld) – ຕອນບ່າຍວັນທີ 15/05, ທ່ານປະທານປະເທດເຈືອງເຕີນຊາງ ພ້ອມກັບຄະນະຜູ້ແທນຂັ້ນສູງຫວຽດນາມ ໄດ້ເດີນທາງອອກຈາກນະຄອນຫຼວງ Baku ກັບເມືອຮ່າໂນ້ຍ, ສິ້ນສຸດການຢ້ຽມຢາມອາແຊກໄບຢານ ເປັນທາງການຢ່າງຈົບງາມ. ກ່ອນໜ້ານັ້ນ, ທ່ານປະທານປະເທດ ເຈື່ອງເຕີນຊາງ ພ້ອມກັບຄະນະຜູ້ແທນຂັ້ນສູງຫວຽດນາມ ໄດ້ໄປຢ້ຽມຢາມໂຮງງານ Shangachang, ເຊິ່ງແມ່ນເຂດກັນນ້ຳມັນທັນສະໄໝອັນອັບໜຶ່ງຂອງສ.ອາແຊກໄບຢານ. ທ່ານປະທານປະເທດ ກໍ່ໄປຢ້ຽມຢາມຫໍພິພິຕະພັນອະດີດປະທານາທິບໍດີ Heyda Alive.
ແລະກໍ່ໃນຕອນເຊົ້າວັນດຽວກັນ, ທ່ານປະທານປະເທດ ເຈືອງເຕີນຊາງ ໄດ້ມີການພົບປະກັບຜູ້ຕາງໜ້າປະຊາຄົມຊາວຫວຽດນາມ ອາໄສຢູ່ອາແຊກໄບຢານ. ຢູ່ທີ່ນີ້, ທ່ານປະທານປະເທດ ເຈືອງເຕີນຊາງ ສະແດງຄວາມປິຕິຊົມຊື່ນຕໍ່ນ້ຳໃຈສາມັກຄີຂອງປະຊາຄົມຊາວຫວຽດນາມ ອາໄສຢູ່ອາແຊກໄບຢານ ແລະ ຢືນຢັນວ່າ, ພັກ ແລະ ລັດຫວຽດນາມ ຍາມໃດກໍ່ສະຫງວນຄວາມເອົາໃຈໃສ່ຢ່າງເລິກເຊິ່ງເຖິງປະຊາຄົມຊາວຫວຽດນາມ ອາໄສຢູ່ຕ່າງປະເທດ, ໃນນັ້ນມີຊາວຫວຽດນາມ ອາໄສຢູ່ອາແຊກໄບຢານ, ຖືພໍແມ່ປະຊາຊົນເປັນພາກສ່ວນໜຶ່ງທີ່ບໍ່ອາດຕັດແຍກອອກຈາກປະເທດຫວຽດນາມ ໄດ້ ແລະ ແມ່ນແຫຼ່ງກຳລັງໃຫ້ການພັດທະນາຂອງປະເທດຊາດ.