ຜູ້ທີ່ເຊື່ອຖືສາດສະໜາອິດສະລາມຍາມໃດກໍ່ສາມັກຄີຜູກພັນກັນໃນກຸ່ມກ້ອນມະຫາສາມັກຄີທົ່ວຊາດ
ທ່ານນາງຮອງປະທານ ເຈືອງທິຫງອກແອ໋ງ ຕ້ອນຮັບຄະນະ
(ພາບ:daidoanket.vn)
(vovworld)- ໃນວັນທີ 17/8, ຢູ່ຮ່າໂນ້ຍ, ຄະນະຜູ້ແທນຜູ້ທີ່ມີຍົດຖາບັນດາສັກ ບັນດາປະຊາຄົມອິດສະລາມ ຫວຽດນາມ ຈາກ ແຂວງນິງຖ້ວນ, ໄຕນິງ ແລະ ນະຄອນໂຮ່ຈີມິນ ໄດ້ມາຢ້ຽມຢາມ ແລະ ເຮັດວຽກ ກັບຄະນະກຳມະການສູນກາງແນວໂຮມປະເທດຫວຽດນາມ. ຊຸມປີຜ່ານມາ, ບັນດາຜູ້ມີຍົດຖາບັນດາສັກ, ສາສະນິກກະຊົນຊາວເປົ່າຈຳ ຜູ້ເຊື່ອຖືສາດສະໜາ ຍາມໃດກໍ່ປະຕິບັດທຸກແຜນນະໂຍບາຍ, ແນວທາງຂອງພັກ, ນະໂຍບາຍກົດໝາຍຂອງລັດ ແລະ ມີບັນດາການປະກອບສ່ວນດີພໍສົມຄວນ ໃນບັນດາຂະບວນການແຂ່ງຂັນຮັກຊາດ, ບັນດາຂະບວນການ ໂດຍ ຄະນະກຳມະການສູນກາງແນວໂຮມປະເທດຫວຽດນາມ ປຸກລະດົມ; ຈັດຕັ້ງປະຊາຄົມຄຸ້ມຄອງເອງ ປ້ອງກັນຄວາມສະຫງົບຂອງປະເທດຊາດ; ຕັ້ງໜ້າເຂົ້າຮ່ວມບັນດາການເຄື່ອນໄຫວໜູນຊ່ວຍຊີວິດສັງຄົມ ເພື່ອໃຫ້ຊີວິດການເປັນຢູ່ ຂອງປະຊາຊົນມີຄວາມເປັນປົກກະຕິເທື່ອລະກ້າວ, ປະກອບສ່ວນເຂົ້າ ໃນການກໍ່ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ.
ທີ່ການຕ້ອນຮັບຄະນະ, ທ່ານ ນາງ ເຈືອງທິຫງ໋ອກແອ໋ງ ຮອງປະທານຄະນະກຳມະການສູນກາງແນວໂຮມປະເທດຫວຽດນາມ ຮັບຮູ້ເຖິງບັນດາການປະກອບສ່ວນ ຢ່າງຕັ້ງໜ້າ ຂອງບັນດາປະຊາຄົມອິດສະລາມຫວຽດນາມ ໄລຍະຜ່ານມາ; ພ້ອມທັງສະເໜີ ບັນດາອົງການອິດສະລາມຫວຽດນາມ ພ້ອມກັບຜູ້ທີ່ມີຍົດຖາບັນດາສັກ, ຜູ້ເຊື່ອຖືສາດສະໜາອິດສະລາມ ຍາມໃດກໍ່ສາມັກຄີຜູກພັນກັນໃນກຸ່ມກ້ອນມະຫາສາມັກຄີທົ່ວປວງຊົນທັງຊາດ; ສືບຕໍ່ຮັກສາ, ເສີມຂະຫຍາຍມູນເຊື້ອອັນດີງາມ ຂອງບັນດາສາດສະໜາຫວຽດນາມ, “ ສ້າງການດຳລົງຊີວິດ ແລະ ສາດສະໜາໃຫ້ດີງາມ”, ຮັກສາສີສັນວັດທະນະທຳຂອງຊາດ; ຮ່ວມເດີນທາງພ້ອມຊາດໃນຍຸກສະໄໝໃໝ່.