ຜູ້ມີສິດເລືອກຕັ້ງຫວັງວ່າບັນດາຜູ້ໄດ້ຮັບເລືອກໃຫ້ດຳລົງຕຳແໜ່ງຫຼັກແຫຼ່ງຕ້ອງມີ ຄວາມເກັ່ງກ້າສາມາດຢ່າງພຽງພໍ
ທ່ານປະທານຄະນະກຳມະການສູນກາງແນວໂຮມ
ປະເທດຊາດຫວຽດນາມ ຫງວຽນທ້ຽນເຍິນ
(ພາບ: HoangLong)
(vovworld)- ໃນການສະເໜີບົດລາຍງານສັງລວມຄຳເຫັນປະກອບ, ຂໍ້ສະເໜີຂອງຜູ້ມີສິດເລືອກຕັ້ງ ແລະ ປະຊາຊົນທົ່ວປະເທດ ໃນວາລະໄຂກອງປະຊຸມສະໄໝສາມັນເທື່ອທີ 10, ສະພາແຫ່ງຊາດຊຸດທີ 13 ໃນຕອນເຊົ້າວັນທີ 20/10. ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍິນ ໃຫ້ຮູ້ວ່າ: ຜູ້ມີສິດເລືອກຕັ້ງ ແລະ ປະຊາຊົນ ເອົາໃຈໃສ່ເປັນພິເສດເຖິງວຽກງານກະກຽມບຸກຄະລະກອນ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 12 ຂອງພັກ, ປາຖະໜາວ່າ: ບັນດາຜູ້ທີ່ໄດ້ຮັບເລືອກຕັ້ງໃຫ້ດຳລົງ ຕຳແໜ່ງຫຼັກແຫຼ່ງຂອງພັກ, ອຳນາດການປົກຄອງຕອ້ງມີຄຸນສົມບັດ, ຄວາມເກັ່ງກ້າສາມາດຢ່າງພຽງພໍ ເພື່ອກໍ່ສ້າງພັກ, ລັດ ໃຫ້ນັບມື້ນັບບໍລິສຸດຜຸດຜ່ອງ ແລະ ໝັ້ນຄົງເຂັ້ມແຂງ.
ກ່ຽວກັບເລື່ອງຫວຽດນາມສຳເລັດການເຈລະຈາບັນດາສັນຍາການຄ້າເສລີສອງຝ່າຍ ແລະ ຫຼາຍຝ່າຍ, ເປັນຕົ້ນແມ່ນສັນຍາຄູ່ຮ່ວມມືຂ້າມປາຊີຝິກ (TPP) ບັນດາຜູ້ມີສິດເລືອກຕັ້ງ ຖືວ່າ: ຫວຽດນາມນັບມື້ນັບເຊື່ອມໂຍງຢ່າງເລິກເຊິ່ງກວ້າງຂວາງເຂົ້າກັບພື້ນຖານເສດຖະກິດໂລກ.