ຜູ້ສະໝັກຮັບເລືອກຕັ້ງສສຊຊຸດທີ 14 ພົບປະກັບຜູ້ມີສິດເລືອກຕັ້ງ,ຫາສຽງເລືອກຕັ້ງ
(ທ່ານ ດິງເທຮີງ ຜູ້ປະຈຳການຄະນະເລຂາສູນກາງພັກ
ພົບປະກັບຜູ້ມີສິດເລືອກຕັ້ງເມືອງ ຫາຍເຈົາ, ນະຄອນດ່ານັ້ງ)
(vovworld) - ຕອນເຊົ້າວັນທີ 05/05, ທ່ານ ດິງເທຮີງ ຜູ້ປະຈຳການຄະນະເລຂາສູນກາງພັກກອມມູນິດຫວຽດນາມ ແລະ ບັນດາຜູ້ສະໝັກຮັບເລືອກຕັ້ງຫົວໜ່ວຍເລືອກຕັ້ງເລກ 1, ນະຄອນດ່ານັ້ງ, ໄດ້ມີການພົບປະກັບຜູ້ມີສິດເລືອກຕັ້ງເມືອງ ຫາຍເຈົາ, ນະຄອນດ່ານັ້ງ. ທີ່ການພົບປະ, ທ່ານ ດິງເທຮີງ ໃຫ້ຮູ້ວ່າ, ຜ່ານພຶດຕິກຳຕົວຈິງເຂົ້າເປັນສະມາຊິກສະພາແຫ່ງຊາດຊຸດທີ 11, 12, 13, ທ່ານໄດ້ເຫັນວ່າ, ສະມາຊິກສະພາແຫ່ງຊາດ ໂດຍປະຊາຊົນເລືອກຕັ້ງ ຕ້ອງສະໜິດຕິດພັນຢ່າງໃກ້ຊິດກັບປະຊາຊົນ, ຮັບຟັງຄວາມມຸ່ງມາດປາດຖະໜາຂອງປະຊາຊົນ, ຮັບຜິດຊອບຕໍປະຊາຊົນ ແລະ ຕາງໜ້າໃຫ້ເຈດຈຳນົງ, ຄວາມມຸ່ງຫວັງຂອງປະຊາຊົນ. ຜູ້ມີສິດເລືອກຕັ້ງເມືອງຫາຍເຈົາ ສະແດງຄວາມເຊື່ອໝັ້ນກ່ຽວກັບກຳລັງຄວາມສາມາດ, ໂຄງການດຳເນີນງານຂອງບັນດາສະມາຊິກສະພາແຫ່ງຊາດຊຸດທີ 14; ພ້ອມທັງສະເໜີບັນດາຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ ຖ້າໄດ້ຮັບການເລືອກຕັ້ງຕ້ອງປະຕິບັດບັນດາບັນຫາທີ່ໄດ້ວາງອອກໃນໂຄງການດຳເນີນງານຂອງຕົນ.
ແລະກໍໃນຕອນເຊົ້າວັນທີ 05/05, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ພ້ອມກັບຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ 4 ທ່ານຢູ່ແຂວງເຊີນລາ ໄດ້ພົບປະກັບຜູ້ມີສິດເລືອກຕັ້ງຫົວໜ່ວຍເລກ 1 ນະຄອນເຊີນລາ. ຢູ່ທີ່ນີ້ ບັນດາຜູ້ມີສິດເລືອກຕັ້ງໄດ້ຍົກອອກໂຄງການດຳເນີນງານຂອງຕົນເມື່ອໄດ້ຮັບການເລືອກຕັ້ງ. ຕາງໜ້າໃຫ້ຄະນະ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ໄດ້ຮັບຮູ້ບັນດາຄຳເຫັນປະກອບຢ່າງກົງໄປກົງມາ, ສຸດຈິດສຸດໃຈຂອງຜູ້ມີສິດເລືອກຕັ້ງ, ພ້ອງທັງຢືນຢັນວ່າ, ບັນດາສະມາຊິກສະພາແຫ່ງຊາດຈະສືບຕໍ່ປະກອບຄຳເຫັນເພື່ອໃຫ້ພັກ, ລັດຖະບານ ມີບັນດານະໂຍບາຍທີ່ເໝາະສົມ ເພື່ອຊ່ວຍໃຫ້ບັນດາທ້ອງຖິ່ນພັດທະນາເສດຖະກິດ, ສັງຄົມ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ.