(vovworld) - ​​ ພາຍ​ຫຼັງ​ສິ້ນ​ສຸດ​ການ​ແຫ່​ຂະ​ບວນ​ດ້ວຍ​ວິ​ທີ​ນັ່ງ​ຢູ່​ສະ​ພາ​ແຫ່ງ​ຊາດ​ອາ​ເມ​ລິ​ກາ ເປັນ​ເວ​ລາ 25 ຊົ່ວ​ໂມງ, ຕອນ​ບ່າຍ​ວັນ​ທີ 23/06 (ຕາມ​ເວ​ລາ​ອາ​ເມ​ລິ​ກາ), ມີ​ສະ​ມາ​ຊິກ​ລັດ​ຖະສະ​ພາ​​ຂຶ້ນ​ກັບ​ພັກ​ປະ​ຊາ​ທິ​ປະ​ໄຕ​ກວ່າ 100 ທ່ານ, ເຊິ່ງ​ນຳ​ໜ້າ​ແມ່ນ​ການ​ນຳ​ຝ່າຍ​ສ່ວນ​ໜ້ອຍ​ຢູ່​ສະ​ພາ​ຕ່ຳ, ທ່ານ Nancy Pelosi, ​ສະ​ມາ​ສິກ​ສະ​ພາ​ຕ່ຳສືບ​ຕໍ່​ເຕົ້າ​ໂຮມ​ກັນ​ຢູ່​ຕໍ່​ໜ້າ​ສຳ​ນັກ​ງານ​ສະ​ພາ​ຕ່ຳ ເພື່ອ​ຮຽກ​ຮ້ອງ​ຕ້ອງ​ມີບັນ​ດາ​ມາດ​ຕະ​ການ​ຄວບ​ຄຸ​ມ​ປືນ​ຢ່າງ​ຂ້ຽວ​ຂາດກວ່າ​ອີກ. ກ່າວ​ຄຳ​ເຫັນ​ຕໍ່​ໜ້າ​ວົງ​ການ​ນັກ​ຂ່າວ, ບັນ​ດາ​​ສະ​ມາ​ຊິກ​ລັດ​ຖ​ະສະ​ພາ​​ພັກ​ປະ​ຊາ​ທິ​ປ​ະ​ໄຕ ຢືນ​ຢັນຈະ​ສືບ​ຕໍ່​ຊອກ​ຫາ​ວີ​ທີກໍ່ຄວາມ​ດັ່ນ​ເພື່ອ​ໃຫ້​ຝ່າຍ​ສາ​ທາ​ລະ​ນະ​ຕ້ອງ​ຍ້ອມ​ປ່ອນ​ບັດ​ໃຫ້​ບັນ​ດາ​ມາດ​ຕະ​ການ​ຄວບ​ຄຸມ​ປືນ. ພັກ​ປະ​ຊາ​ທິ​ປະ​ໄຕ ມີ​ແຜນ​ການ​ຈັດ​ຕັ້ງ​ເຫດ​ການ​ຕ່າງໆ​ຢູ່​ສຳ​ນັກ​ງານ​ຂອງ​ທັງ 2 ສະ​ພາ​​ໃນ​ເດືອນ 07 ກໍ​ຄື​ຢູ່​​ນະ​ຄອນ​ຕ່າງໆ​ໃນ​ທົ່​ວ​ປະ​ເທດ​ອາ​ເມ​ລິ​ກາ. ທ່ານ​ນາງ Pelosi ຖື​ວ່າ,ນີ້​ແມ່ນ​ຈຸດ​ເວ​ລາ​ເພື່ອ​ໃຫ້​ອາ​ເມ​ລິ​ກາ ຕ້ອງ​ມີ​ການ​ກະ​ທຳ. ໃນ​ຂະ​ນະ​ນັ້ນ, ໃນ​ການ​ປະ​ຊຸ​ມ​ຂ່າວ​ໃນ​ວັນ​ດຽວ​ກັນ, ທ່ານ​ປະ​ທານ​ສະ​ພາ​ຕ່ຳ Paul Ryan ໄດ້​ຕຳ​ນິ​ຕິ​ຕຽນ​ການແຫ່​ຂະ​ບວນ​ດ້ວຍ​ວິ​ທີ​ນັ່ງ​​ຢ່າງ​ແຮງວ່ານີ້​ແມ່ນ “​ເລື່ອງ​ຕະ​ຫຼົກ​ເພື່ອສ້າງ​ຄວາມ​ສົນໃຈ​” ແລະ ສົ່ງ​ຜົນ​ສະ​ທ້ອນ​ເຖິງ​ຮ​ູບ​ພາບ​ຂອງ​ສະ​ພາ​ແຫ່ງ​ຊາດ. ທ່ານ​ຖື​ວ່າ, ບັນ​ດາ​ສະ​ມາ​ຊິກ​​ລັດ​ຖະສະ​ພາ​​ອາດ​ຈະ​ມີ​ຄວາມບໍ່​ລົງ​ລອຍ​ກັນ​ຕໍ່​ນະ​ໂຍ​ບາຍ, ແຕ່​ຕ້ອ​ງ​ສະ​ແດງ​ໃຫ້​ເຫັນ​ທ່າ​ທີ, ການ​ກະ​ທຳ​ຕາມ​ຫຼັກ​ການ, ເຄົາ​ລົບ​ບັນ​ດາ​ຂໍ້​ກຳ​ນົດ​ຂອງ​ລະ​ບົບ​ການ​ເມືອງ.