(ພາບ: dantri.com.vn)
(vovworld)- ວັນທີ 4/9, ພິທີສົ່ງອັດຖິທະຫານອາເມລິກາ ຖືກຫາຍສາບສູນໃນປາງສົງຄາມຫວຽດນາມ ກັບເມືອປະເທດ ໄດ້ຈັດຂຶ້ນທີ່ສະໜາມບິນສາກົນດ່ານັງ, ຫວຽດນາມ ໂດຍມີການເຂົ້າຮ່ວມຂອງຜູ້ຕາງໜ້າຄະນະອຳນວຍການອົງການຫວຽດນາມ ຊອກຫາຊາວອາເມລິກາ ຖືກຫາຍສາບສູນ ແລະ ຜູ້ຕາງໜ້າຫົວໜ້າກົງສູນອາເມລິກາ ປະຈຳນະຄອນໂຮ່ຈິມິນ, ທ່ານນາງ Rena ແລະ ຫ້ອງການ MIA ປະຈຳຮ່າໂນ້ຍ. ຜູ້ຕາງໜ້າຝ່າຍຫວຽດນາມ ໄດ້ມອບ ອັດຖິ 3 ຊຸດໃຫ້ຜູ້ຕາງໜ້າຝ່າຍອາເມລິກາ. ກ່າວຄຳເຫັນນະພິທີ, ຜູ້ຕາງໜ້າລັດຖະບານອາເມລິກາ ໄດ້ຂອບອົກຂອບໃຈ ແລະ ຕີລາຄາສູງນະໂຍບາຍມະນຸດສະທຳ, ເຈດຕະນາດີ ແລະ ການຮ່ວມມືທີ່ນັບມື້ນັບມີປະສິດທິຜົນຂອງລັດຖະບານ ແລະ ປຊຊ ຫວຽດນາມ. ການເຄື່ອນໄຫວຊອກຫາ ອັດຖິທະຫານອາເມລິກາ ທີ່ຫາຍສາບສູນໃນປາງສົງຄາມຫວຽດນາມ ແມ່ນການເຄື່ອນໄຫວມະນຸດສະທຳລະຫວ່າງລັດຖະບານຫວຽດນາມ ແລະ ອາເມລິກາ. ນີ້ແມ່ນການມອບອັດຖິຄັ້ງທີ 128 ນັບແຕ່ປີ 1973.