ບັນດາຜູ້ແທນເຂົ້າຮ່ວມພິທີສະເຫລີມສະຫລອງ 50 ປີແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ ແລະ ລາວ
ພາບ: internet
|
(vovworld) - ຕອນເຊົ້າວັນທີ 22/8 ຢູ່ ນະຄອນ ດ້ຽນບຽນຝູ ແຂວງ ດ້ຽນບຽນ ແລະ 6 ແຂວງພາກເຫນືອຂອງ ລາວ ລວມມີ: ຜົ້ງສາລີ, ອຸດົມໄຊ, ຫລວງພະບາງ, ບໍ່ແກ້ວ, ຫລວງນ້ຳທາ ແລະ ໄຊຍະບູລີ ໄດ້ຈັດຕັ້ງພິທີສະເຫລີມສະຫລອງ 35 ປີ ແຫ່ງວັນເຊັນສົນທີສັນຍາມິດຕະພາບ ແລະ ການຮ່ວມມື (18/7/1977 - 18/7/2012) ແລະ 50 ປີແຫ່ງວັນສ້າງຕັ້ງສາຍພົວພັນທາງການທູດ (18/7/1977 - 18/7/2012). ກ່າວຄຳເຫັນນະພິທີ, ທ່ານ Mua A Son, ປະທານຄະນະກຳມະການປະຊາຊົນແຂວງ ດ້ຽນບຽນ ເນັ້ນຫນັກວ່າ: ຫວຽດນາມ ແລະ ລາວ ມີສາຍພົວພັນມິດຕະພາບທີ່ເປັນມູນເຊື້ອມາແຕ່ດົນນານ ແລະ ນັບມື້ນັບໄດ້ຮັບການເພີ່ມພູນຄູນສ້າງ. ສ່ວນທ່ານ ຄຳເຈນ ວົງໂພສີ ກຳມະການສູນກາງພັກປະຊາຊົນປະຕິວັດລາວ, ເລຂາຄະນະພັກ, ເຈົ້າແຂວງແຂວງ ຜົ້ງສາລີ ໄດ້ຕາງຫນ້າໃຫ້ບັນດາແຂວງພາກເຫນືອຂອງລາວ ໄດ້ຢືນຢັນວ່າ: ໃນຕະຫລອດໄລຍະຜ່ານມາ, ປະຊາຊົນ ຢູ່ 6 ແຂວງ ຂອງລາວ ໄດ້ຮັບການຊ່ວຍເຫລືອ, ແບ່ງປັນໃນທຸກຂົງເຂດ ຈາກແຂວງ ດ້ຽນບຽນ. ທ່ານ ຄຳເຈນ ວົງໂພສີ ປາດຖະຫນາວ່າ ອົງຄະນະພັກ ແລະ ປະຊາຊົນແຂວງ ດ້ຽນບຽນ ສືບຕໍ່ຮັກສາສາຍພົວພັນ, ຊ່ວຍເຫລືອອົງຄະນະພັກ ແລະ ປະຊາຊົນ 6 ແຂວງ ພາກເຫນືອຂອງລາວ ເພື່ອນ້ຳໃຈມິດຕະພາບລະຫວ່າງ ສອງປະເທດ.