ທ່ານຫວູດຶກດາມຮອງນາຍົກລັດຖະມົນຕີຫວຽດນາມທີ່ການຕ້ອນຮັບທ່ານນາງ Caitlin Wiesen ຫົວໜ້າຄະນະຜູ້ຕາງໜ້າ ໂຄງການພັດທະນາສະຫະປະຊາຊາດ  (ພາບ: TTXVN)

ທ່ານຮອງນາຍົກລັດຖະມົນຕີຫວຽດນາມກໍ່ໃຫ້ຮູ້ວ່າ: ລັດຖະບານຫວຽດນາມໄດ້ຕັ້ງໜ້າປະຕິບັດແຜນນະໂຍບາຍນຳເອົາການພັດທະນາແບບຍືນຍົງ (SDGs) ເຂົ້າໃນທຸກຍຸດທະສາດ, ແຜນງານການພັດທະນາແຫ່ງຊາດ; ສ້າງລະບອບລະບຽບການ, ນະໂຍບາຍກ່ຽວກັບການພັດທະນາແບບຍືນຍົງໃຫ້ສຳເລັດ; ເພີ່ມທະວີການສົມທົບກັນລະຫວ່າງລັດຖະບານ, ວິສາຫະກິດ, ອົງການຈັດຕັ້ງພາຍໃນປະເທດແລະປະຊາຄົມສາກົນໃນການປະຕິບັດ SDGs. ລັດຖະບານຫວຽດນາມສະເໜີໃຫ້ UNDP ໜູນຊ່ວຍໃນການຄົ້ນຄວ້າ, ຜັນຂະຫຍາຍບາງການເຄື່ອນໄຫວໂດຍແນໃສ່ຊຸກຍູ້ບັນດາບັນຫາທີ່ໃຫ້ບຸລິມະສິດແກ່ ຫວຽດນາມຢູ່ ອົງການສະຫະປະຊາຊາດກໍ່ຄືການເຄື່ອນໄຫວປົກປັກຮັກສາສັນຕິພາບ, ປົກປ້ອງແມ່ຍິງ ແລະ ເດັກນ້ອຍ. ຫວຽດນາມກໍ່ມີຄວາມປາດຖະໜາຢາກໃຫ້ UNDP ຊ່ວຍເພີ່ມທະວີການຄົ້ນຄວ້າແລະໄຈ້ແຍກທ່າອ່ຽງການເຕີບໂຕພາຍໃນປະເທດແລະຕ່າງປະເທດ, ບັນດາບັນຫາສັງຄົມ, ຈາກນັ້ນ ກໍ່ຍົກອອກບັນດາບັນຫາທີ່ຄວນໃຫ້ບຸລິມະສິດໃນການແກ້ໄຂ.

        ສ່ວນທ່ານນາງ Caitlin Wiesen ກໍຢັ້ງຢືນວ່າ: ດ້ວຍບົດບາດເປັນອົງການຊ່ວຍເຫຼືອພັດທະນາແຖວໜ້າຂອງສະຫະປະຊາຊາດ, UNDP ມີຄວາມອາດສາມາດໃນການສຳຜັດກັບບັນດາບົດຮຽນທາງດ້ານພຶດຕິກຳຕົວຈິງເພື່ອຜັນຂະຫຍາຍໂຄງການ ແລະ ຂໍ້ສະເໜີນະໂຍບາຍຂອງບັນດາຫ້ອງການ UNDP ໃນທົ່ວໂລກ, ກໍ່ຄືເພີ່ມທະວີເຄືອຂ່າຍຄູ່ຮ່ວມມືພັດທະນາໃນອະນາຄົດ.