ລັດຖະມົນຕີກະຊວງ ຍຸຕິທຳຫວຽດນາມ ໄປຢ້ຽມຢາມລາວ
ທ່ານນາຍົກລັດຖະມົນຕີ ທອງສິງ ທຳມະວົງ ຕ້ອນຮັບທ່ານລັດຖະມົນຕີກະຊວງ
ຍຸຕິທຳຫວຽດນາມ ໂຮ່ຮຸ່ງເກືອງ
ພາບ:vietnamplus.vn
|
(vovworld) - ໃນຂອບເຂດການຢ້ຽມຢາມ ແລະ ເຮັດວຽກຢູ່ລາວ ແຕ່ວັນທີ 6 -11/3, ຕອນບ່າຍວັນທີ 7/3, ຢູ່ວຽງຈັນ, ຄະນະຜູ້ແທນຂັ້ນສູງກະຊວງຍຸຕິທຳຫວຽດນາມ, ໂດຍທ່ານລັດຖະມົນຕີ ຮ່າຮຸ່ງເກື່ອງ ນຳໜ້າ ໄດ້ຮັບການຕ້ອນຮັບຈາກທ່ານນາຍົກລັດຖະມົນຕີລາວ ທອງສິງ ທຳມະວົງ. ທ່ານນາຍົກລັດຖະມົນຕີລາວ ທອງສິງ ທຳມະວົງສະແດງຄວາມເຊື່ອໝັ້ນວ່າ, ການຢ້ຽມຢາມຈະປະກອບສ່ວນຊຸກຍູ້ການຮ່ວມມືລະຫວ່າງສອງກະຊວງ, ປະກອບສ່ວນເພີ່ມທະວີນ້ຳໃຈມິດຕະພາບ, ຄວາມສາມັກຄີແບບພິເສດລະຫວ່າງສອງປະເທດ, ທ່ານນາຍົກລັດຖະມົນຕີກໍ່ໄດ້ຕີລາຄາສູງໝາກຜົນແຫ່ງການເຈລະຈາ, ພິເສດແມ່ນເລື່ອງຊຸກຍູ້ການລົງນາມໃນເອກະສານຮ່ວມມືບຳລຸງສ້າງແຫຼ່ງຊັບພະຍາກອນມະນຸດໃຫ້ແກ່ລາວ. ສ່ວນທ່ານ ລັດຖະມົນຕີ ຮ່າຮຸ່ງເກື່ອງ ກໍ່ເນັ້ນໜັກຈຸດໝາຍບຸລິມາະສິດຂອງການຮ່ວມມືລະຫວ່າງສອງກະຊວງຍຸຕິທຳຫວຽດນາມ ແລະ ລາວ ແມ່ນບຳລຸງສ້າງແຫຼ່ງຊັບພະຍາກອນມະນຸດ ເພື່ອແນໃສ່ຊ່ວຍຂະແໜງຍຸຕິທຳລາວນັບມື້ນັບພັດທະນາ, ປະກອບສ່ວນຢ່າງແທດຈິງ ເຂົ້າໃນການສະເຫຼີມສະຫຼອງ 35 ປີ ແຫ່ງວັນເຊັນສົນທິສັນຍາຮ່ວມມືມິດຕະພາບ ແລະ 50 ປີ ແຫ່ງວັນສ້າງຕັ້ງສາຍພົວພັນທາງການທູດຫວຽດນາມ - ລາວ.