(vovworld) - ຕອນຄໍ່າວັນທີ 13/9, ໄດ້ດຳເນີນລາຍການພົບປະແລກປ່ຽນວັດທະນະທຳ, ກິລາ ແລະ ທ່ອງທ່ຽວລະຫວ່າງແຂວງ Thua Thien Hue ແລະບັນດາແຂວງຂອງລາວຄື: ສາລະວັນ, ເຊກອງ ຂອງລາວ ຢູ່ນະຄອນ Hue, ໃນຂອບເຂດບັນດາການເຄື່ອນໄຫວສະເຫຼີມສະຫຼອງປີສາມັກຄີມິດຕະພາບຫວຽດນາມ - ລາວ 2012. ກ່າວຄຳເຫັນນະພິທີ, ທ່ານເລຂາຄະນະພັກແຂວງ Thua Thien Hue, Nguyen Ngoc Thien ຊີ້ແຈງວ່າ ດັ່ງກ່າວແມ່ນນອນໃນຂອບເຂດແຜນການພົບປະແລກປ່ຽນວັດທະນະທຳ, ກິລາ ແລະ ທ່ອງທ່ຽງເຂດຊາຍແດນຫວຽດນາມ - ລາວ 2012 ຂອງກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ເພື່ອແນໃສ່ເພີ່ມທະວີຄວາມສາມັກຄີມິດຕະພາບລະຫວ່າງຫວຽດນາມ - ລາວ. ລາຍການໄດ້ປະກອບສ່ວນຊຸກຍູ້ການຮ່ວມມື ແລະ ຊ່ວຍເຫຼືອເຊິ່ງກັນ ແລະ ກັນລະຫວ່າງບັນດາທ້ອງຖິ່ນ, ໂດຍສະເພາະແມ່ນເຂດຊາຍແດນເພື່ອພັດທະນາເສດຖະກິດ, ວັດທະນະທຳ, ສັງຄົມ, ການທ່ອງທ່ຽວ, ປົວແປງ ແລະ ຍົກສູງຊີວິດການເປັນຢູ່ທາງດ້ານວັດຖຸ, ຈິດໃຈໃຫ້ແກ່ປະຊາຊົນບັນດາເຜົ່າ, ຮັບປະກັນຄວາມສະຫງົບປອດໄພ, ປ້ອງກັນຊາດ, ສ້າງເສັ້ນຊາຍແດນແຫ່ງສັນຕິພາບ, ສະຖຽນລະພາບ, ໝັ້ນຄົງ ແລະ ພັດທະນາ. ລາຍການພົບປະແລກປ່ຽນຄວາມສາມັກຄີມິດຕະພາບລະຫວ່າງຫວຽດນາມ - ລາວ ປີ 2012, ແຂວງ Thua Thien Hue ແລະ ບັນດາແຂວງ ສາລະວັນ, ເຊກອງ ຈະດຳເນີນໄປຮອດວັນທີ 15/9 ຈຶ່ງຈະອັດລົງ, ດ້ວຍບັນດາການເຄື່ອນໄຫວທີ່ອຸດົມສົມບູນ.