( vovworld ) - ຕອນຄໍ່າວັນທີ 8/6, ຢູ່ແຂວງບ່າເຮີຍ ຫວູງເຕົ່າ, ໄດ້ດຳເນີນລາຍການພົບປະແລກປ່ຽນສີລະປະດ້ວຍຫົວຂໍ້ວ່າ “ ຫວຽດນາມເຂັ້ມແຮງດ້ວຍທະເລ, ຮັ່ງມີຈາກທະເລ ”. ນີ້ແມ່ນໜຶ່ງໃນບັນດາການເຄື່ອນໄຫວຕົ້ນຕໍ່ຂອງສັບປະດາທະເລ ແລະ ໝູ່ເກາະຫວຽດນາມ 2012 ແລະ ກໍ່ແມ່ນການເຄື່ອນໄຫວສິ້ນສຸດສັບປະດາທະເລ ແລະ ໝູ່ເກາະຫວຽດນາມ 2012 ໂດຍກະຊວງຊັບພະຍາກອນສິ່ງແວດລ້ອມ, ກົມໃຫຍ່ທະເລ ແລະ ໝູ່ເກາະຫວຽດນາມ ແລະ ຄະນະກຳມະການປະຊາຊົນແຂວງບາເຮີ້ຍ ຫວູງເຕົ່າ ຈັດຕັ້ງ. ກ່າວຄຳເຫັນທີ່ພິທີ, ທ່ານຮອງນາຍົກລັດຖະມົນຕີ Hoang Trung Hai ໄດ້ເນັ້ນໜັກວ່າ “ ນີ້ແມ່ນໂອກາດເພື່ອຢືນຢັນເຈດຈຳນົງຕັດສິນໃຈປົກປັກຮັກສາບັນດາເຂດທະເລ, ໝູ່ເກາະທີ່ສັກກະຫຼະບູຊາຂອງປະເທດຊາດ; ຕອບສະໜອງການເຄື່ອນໄຫວຕ່າງໆໃນການຮັບມືກັບການປ່ຽນແປງຂອງດິນຟ້າອາກາດ, ຮັກສາສິ່ງແວດລ້ອມທະເລເພື່ອການພັດທະນາແບບຍື່ນຍົງຂອງທົ່ວໂລກ ”. ທ່ານຮອງນາຍົກລັດຖະມົນຕີໃຫ້ຮູ້ວ່າ, ປະຈຸບັນບັນດາຂະແໜງເສດຖະກິດທະເລ ແລະ ກ່ຽວຂ້ອງເຖິງທະເລ ໄດ້ປະກອບສ່ວນ 48% GDP. ຊ່ວຍໃຫ້ຫວຽດນາມສູ້ຊົນຮອດປີ 2020 ເສດຖະກິດທະເລຈະປະກອບສ່ວນແຕ່ 53 – 55% GDP, ແກ້ໄຂບັນດາບັນດາທາງສັງຄົມ ປົວແປງຊີວິດການເປັນຢູ່ຂອງປະຊາຊົນເປັນຢ່າງດີ, ພິເສດແມ່ນປະຊາຊົນເຂດແຄມທະເລ. ທ່ານຮອງນາຍົກລັດຖະມົນຕີໄດ້ສະເໜີວ່າ ຕ້ອງສຳເລັດກົນໄກນະໂຍບາຍ, ກົດໝາຍກ່ຽວກັບການຄຸ້ມຄອງຊັບພະຍາກອນສິ່ງແວດລ້ອມທະເລ, ຮັກສາ ແລະ ຂຸດຄົ້ນຢ່າງມີປະສິດທິຜົນບັນດາແຫຼ່ງຜົນປະໂຫຍດຈາກທະເລ ເພື່ອແນໃສ່ບັນລຸຈຸດໝາຍກາຍເປັນປະເທດເຂັ້ມແຂງດ້ວຍທະເລ, ຮັ່ງມີຈາກທະເລ. ໄປຄຽງຄູ່ກັນນັ້ນ, ຕ້ອງຖືວຽກງານປົກປັກຮັກສາສິ່ງແວດລ້ອມທະເລແມ່ນໜ້າທີ່ອັນດັບໜຶ່ງໃນການພັດທະນາເສດຖະກິດທະເລ. ຕ້ອງນຳໃຊ້ບັນດາຄວາມກ້າວໜ້າຂອງວິທະຍາສາດເພື່ອຮັບມືກັບບັນຫາປ່ຽນແປງຂອງດິນຟ້າອາກາດ, ນ້ຳທະເລຂຶ້ນສູງ.. ວຽກງານໂຄສະນາກ່ຽວກັບການປົກປັກຮັກສາສິ່ງແວດລ້ອມທະເລກໍຄວນໄດ້ຮັບຄວາມເອົາໃຈໃສ່ຫຼາຍກວ່າ…