(vovworld) - ຕອນເຊົ້າວັນທີ 04/06, ຢູ່ຮ່າໂນ້ຍ, ສະຖານທູດລາວປະຈຳຫວຽດນາມ ໄດ້ຈັດຕັ້ງພິທີມອບຫຼຽນໄຊເອກະລາດຊັ້ນ 2 ໃຫ້ນັກຮົບເສຍສະຫຼະຊີວິດເພື່ອຊາດ ຕ໋ວນເຊີນ (ຫງວຽນວັນເວີນ), ອະດີດຫົວໜ້າຜູ້ບັນຊາການກອງທັບປະຊາຊົນຫວຽດນາມ ກອງທັບຕາເວັນຕົກ (ໄຕຕ໋ຽນ) ຍ້ອນໄດ້ປະກອບຜົນງານດີເດັ່ນເຂົ້າໃນພາລະກິດປົດປ່ອຍຊາດຢູ່ແຂວງ ຫົວພັນ, ປະເທດລາວ. ເຂົ້າຮ່ວມພິທີ, ມີທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ.ລາວ ປະຈຳຫວຽດນາມ ສົມພອນ ສີຈະເລີນ, ພັນເອກ ພິມມາຈັນ ວົງປັນຍາ ທີ່ປຶກສາການທະຫານສະຖານທູດລາວປະຈຳຫວຽດນາມ, ຜູ້ຕາງໜ້າຍາດຕິພີນ້ອງຂອງນັກຮົບເສຍສະຫຼະຊີວິດເພື່ອຊາດ ຕ໋ວນເຊີນ ພ້ອມກັບຜູ້ຕາງໜ້າຂອງຄະນະຕິດຕໍ່ສູນກາງ, ຄະນະຕິດຕໍ່ ກອງທັບຕາເວັນຕົກ (ໄຕຕ໋ຽນ). ເພື່ອຍ້ອງຍໍຄຸນງາມຄວາມດີອັນໃຫຍ່ຫຼວງຂອງນັກຮົບເສຍສະຫຼະຊີວິດເພື່ອຊາດ ຕ໋ວນເຊີນ, ປະທານປະເທດລາວ ໄດ້ຕົກລົງມອບຫຼຽນໄຊອັນສູງສົ່ງຂອງລັດລາວ ໃຫ້ແກ່ນັກຮົບເສຍສະຫຼະຊີວິດເພື່ອຊາດ ຕ໋ວນເຊີນ. ກ່າວຄຳເຫັນທີ່ພິທີ, ພັນເອກ ພິມມາຈັນ ວົງປັນຍາ, ໃຫ້ຮູ້ວ່າ.
_copy.jpg) |
ເລື່ອງມອບຫຼຽນໄຊເອກະລາດຊັ້ນ 2 ດັ່ງກ່າວ ໄດ້ສະແດງໃຫ້ເຫັນນ້ຳໃຈອັນເລີກເຊິ່ງລະຫວ່າງປະຊາຊົນ 2 ປະເທດ. ປະຊາຊົນລາວ ບໍ່ສາມາດຫຼົງລືມບຸນຄຸນຂອງບັນດານັກຮົບທີ່ເສຍສະຫຼະຊີວິດເພື່ອຊາດຂອງຫວຽດນາມ ເຊິ່ງໄດ້ຕໍ່ສູ້, ເສຍສະຫຼະຊີວິດ ເພື່ອຍາດເອົາເອກະລາດອິດສະລະພາບມາໃຫ້ປະເທດລາວ ອ້າຍນ້ອງ.