ວາລະປະຊຸມຄົບຄະນະຄັ້ງທີ 5 ຂອງກຳມາທິການກົດໝາຍຂອງສະພາແຫ່ງຊາດ

ວັນພະຫັດ ທີ 13 ເມສາ ຄ.ສ. 2017 | 14:39:17

(ພາບ: ຫງວຽນເຢືນ/ສຳນັກຂ່າວສານ ຫວຽດນາມ)

(vovworld) - ວັນທີ 13/4, ກຳມາທິການກົດໝາຍຂອງສະພາແຫ່ງຊາດ ໄດ້ຈັດຕັ້ງວາລະປະຊຸມຄົບຄະນະຄັ້ງທີ 5, ປະກອບຄຳເຫັນໃສ່ຂໍ້ສະເໜີຂອງລັດຖະບານກ່ຽວກັບໂຄງການສ້າງກົດໝາຍ, ລັດຖະບັນຍັດປີ 2018 ແລະ ດັດປັບໂຄງການສ້າງກົດໝາຍ, ລັດຖະບັນຍັດປີ 2017.

ຕາມໃບສະເໜີແລ້ວ, ລັດຖະບານດັດປັບໂຄງການສ້າງກົດໝາຍ, ລັດຖະບັນຍັດ ປີ 2017 ສຳລັບຮ່າງກົດໝາຍ 11 ສະບັບ, ເພີ່ມເຕີມຮ່າງກົດໝາຍ, ຮ່າງມະຕິ 6 ສະບັບ. ໃນນັ້ນ, ມີຮ່າງກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງ (ສະບັບປັບປຸງ), ກົດໝາຍວ່າດ້ວຍຫົວໜ່ວຍບໍລິຫານ - ເສດຖະກິດພິເສດ, ກົດໝາຍປັບປຸງ, ເພີ່ມເຕີມບາງມາດຕາຂອງກົດໝາຍວ່າດ້ວຍອາກອນປົກປັກຮັກສາສິ່ງແວດລ້ອມ. ສະເພາະຮ່າງກົດໝາຍກ່ຽວກັບສະມາຄົມຍັງມີບັນດາຄວາມເຫັນທີ່ແຕກຕ່າງກັນກ່ຽວກັບບາງບັນຫາໃຫຍ່ ຕ້ອງສືບຕໍ່ໄດ້ຮັບການຄົ້ນຄ້ວາ, ປັບປຸງ ແລະ ຂໍຄຳເຫັນຈາກບັນດາອົງການມີສິດອຳນາດ. ດັ່ງນັ້ນ, ລັດຖະບານຍັງບໍ່ທັນໄດ້ສະເໜີນຳຮ່າງກົດໝາຍນີ້ເຂົ້າໃນໂຄງການສ້າງກົດໝາຍ, ລັດຖະບັນຍັດປີ 2017 ແລະ 2018 ໄດ້ເທື່ອ.