ບັນດາສະມາຊິກຄະນະປະຈຳສະພາແຫ່ງຊາດ ຕີລາຄາເລື່ອງເຂົ້າຮ່ວມສົນທິສັນຍາ ອິດຕານບູນ ຈະອຳນວຍຄວາມສະດວກໃຫ້ແກ່ການຄ້າສາກົນ ແລະ ຫັນບັນດາລະບຽບການຄຸ້ມຄອງຊົ່ວຄາວໃຫ້ກົມກຽວ, ຊ່ວຍອົງກອນຄຸ້ມຄອງ ຄວບຄຸມສິນຄ້ານຳເຂົ້າຊົ່ວຄາວ, ສົ່ງອອກຄືນໃໝ່ ແລະ ສົ່ງອອກຊົ່ວຄາວ, ນຳເຂົ້າຄືນໃໝ່ເປັນຢ່າງດີ. ກ່າວຄຳເຫັນສະຫລຸບເນື້ອໃນດັ່ງກ່າວ, ທ່ານນາງ ຕ່ອງທິຟ໋ອງ ຮອງປະທານຜູ້ປະຈຳການສະພາແຫ່ງຊາດ ຫວຽດນາມ ຊີ້ແຈ້ງວ່າ ຄະນະປະຈຳສະພາແຫ່ງຊາດ ເຫັນດີຕໍ່ຂໍ້ສະເໜີຂອງລັດຖະບານກ່ຽວກັບເລື່ອງ ຫວຽດນາມ ເຂົ້າຮ່ວມສົນທິສັນຍາ ອິດຕານບູນ ກ່ຽວກັບການຄຸ້ມຄອງສິນຄ້າຊົ່ວຄາວ.

        ແລະກໍ່ໃນກອງປະຊຸມ, ຄະນະປະຈຳສະພາແຫ່ງຊາດ ຫວຽດນາມ ໃຫ້ຄຳເຫັນກ່ຽວກັບຂໍ້ສະເໜີເຊັນບົດບັນທຶກຊ່ວຍຈຳກ່ຽວກັບການປະຕິບັດ ສັນຍາເພື່ອອຳນວຍຄວາມສະດວກແກ່ການບັນທຸກຜູ້ໂດຍສານ ແລະ ຂົນສົ່ງສິນຄ້າໄປມາຜ່ານຊາຍແດນລະຫວ່າງບັນດາປະເທດ ອະນຸພາກພື້ນແມ່ນ້ຳຂອງເປີດກ້ວາງ. ບັນດາສະມາຊິກຄະນະປະຈຳສະພາແຫ່ງຊາດ ຕີລາຄາສູງຮ່າງບົດບັນທຶກຊ່ວຍຈຳ ທີ່ບໍ່ຜິດກັບຂໍ້ກຳນົດຂອງລັດຖະທຳມະນຸນປີ 2013 ແລະ ເໝາະສົມກັບຂໍ້ກຳນົດຂອງກົດໝາຍ ຫວຽດນາມ ໂດຍພື້ນຖານ.