(ທ່ານ ເລຮົ່ງແອງ ກ່າວຄຳເຫັນ
ທີ່ກອງປະຊຸມສະຫຼຸບວຽກງານໂຄສະນາສຶກສາປີ 2015)
(vovworld) - ທີ່ກອງປະຊຸມສະຫຼຸບວຽກງານໂຄສະນາສຶກສາປີ 2015, ເຊິ່ງດຳເນີນໃນຕອນເຊົ້າວັນທີ 29/12, ຢູ່ ຮ່າໂນ້ຍ, ທ່ານ ເລຮົ່ງແອງ, ຜູ້ປະຈຳການຄະນະເລຂາທິການສູນກາງພັກກອມມູນິດ ຫວຽດນາມໄດ້ເນັ້ນໜັກວ່າ, ສືບຕໍ່ປ່ຽນໃໝ່ເນື້ອໃນ ແລະ ແບບວິທີໃນວຽກງານໂຄສະນາສຶກສາ. ປີ 2015, ຂະແໜງໂຄສະນາສຶກສາຍາມໃດກໍ່ໃກ້ຊິດຕິດແທດກັບຄວາມຮຽກຮ້ອງ ແລະ ໜ້າທີ່ການເມືອງ, ກຳແໜ້ນ ແລະ ຄາດຄະເນສະພາບແນວຄິດ, ຫາງສຽງສັງຄົມເພື່ອຜັນຂະຫຍາຍບັນດາການເຄື່ອນໄຫວໂຄສະນາຢ່າງຄົບຊຸດ ແລະ ຮອບດ້ານ, ປະກອບສ່ວນສ້າງຄວາມສາມັກຄີ, ເປັນເອກະພາບໃນພັກ, ປຸກລະດົມກຳລັງໃຈພະນັກງານ, ສະມາຊິກພັກ, ປະຊາຊົນ, ສູ້ຊົນປະຕິບັດໜ້າທີ່ຢ່າງມີໄຊ. ຄະນະໂຄສະນາສຶກສາໄດ້ໂຄສະນາກ່ຽວກັບທີ່ຕັ້ງ, ບົດບາດ, ຄວາມສາມາດບົ່ມຊ້ອນຂອງທະເລ, ໝູ່ເກາະ, ພື້ນຖານນິຕິກຳ ແລະ ຫຼັກຖານປະຫວັດສາດເຖິງບັນດາພະນັກງານ, ສະມາຊິກພັກ, ປະຊາຊົນຢ່າງທັນການ ແລະ ເປັນປະຈຳ ເພື່ອຢັ້ງຢືນສອງໝູ່ເກາະຮ່ວາງຊາ ແລະ ເຈື່ອງຊາແມ່ນຂຶ້ນກັບອະທິປະໄຕຂອງ ຫວຽດນາມ; ຖືການໂຄສະນາກ່ຽວກັບແນວທາງການຕ່າງປະເທດຢ່າງຖືກຕ້ອງຂອງພັກ, ລັດອອກຕ່າງປະເທດເປັນສຳຄັນ. ກ່ຽວກັບໜ້າທີ່ປີ 2016, ທ່ານ ເລຮົ່ງແອງ ເນັ້ນໜັກວ່າ:
“ສືບຕໍ່ປ່ຽນໃໝ່ເນື້ອໃນ ແລະ ແບບວິທີປະຕິບັດວຽກງານໂຄສະນາສຶກສາກວ່າອີກ. ຍູ້ແຮງວຽກງານສື່ສານ, ໂຄສະນາ, ເອົາໃຈໃສ່ເປັນພິເສດເຖິງການໂຄສະນາໂດຍກົງ, ເພີ່ມທະວີການເຈລະຈາ; ຄົ້ນຄ້ວາ, ສະເໜີບັນດາມາດຕະການທີ່ມີປະສິດທິຜົນ, ສະກັດກັ້ນ, ເຮັດໃຫ້ບັນດາຂໍ້ມູນບໍ່ດີໃນເຄືອຂ່າຍອິນເຕີແນດບໍ່ມີຜົນສັກສິດ; ຜັນຂະຫຍາຍແຜນຮ່າງແຜນກຳນົດ, ພັດທະນາ, ຄຸ້ມຄອງສື່ມວນຊົນເຖິງປີ 2025 ຢ່າງມີປະສິດທິຜົນ. ບັນດາອົງການຊີ້ນຳ, ຄຸ້ມຄອງອົງການສື່ມວນຊົນຄວນເປັນເຈົ້າການກຳແໜ້ນ, ໄຈ້ແຍກສະຖານະການ, ບັນຫາເຫດການເພື່ອກຳນົດຫາງສຽງສັງຄົມ, ປະກອບສ່ວນຊຸກຍູ້ການພັດທະນາຂອງປະເທດ“.