ທ່ານ Ban Ki Moon ເລຂາທິການໃຫຍ່ ສປຊ
ພາບ:kienthuc.net
|
(vovworld)- ປີ 2016 ຕ້ອງແມ່ນປີຊື່ງໃນນັ້ນ ບັນດາຄຳຕັດສິນທີ່ມີລັກສະນະບາດລ້ຽວກ່ຽວກັບບັນຫາພັດທະນາແບບຍືນຍົງໄດ້ຮັບການປະຕິບັດຢ່າງຮີບດ່ວນ. ນັ້ນແມ່ນຄຳກ່າວປາໄສຂອງທ່ານເລຂາທິການໃຫຍ່ ສປຊ Ban Ki moon ທີ່ການປະຊຸມຂ່າວປະກາດບັນດາການກຳນົດທິດທາງວຽກງານຂອງ ສປຊ ໃນປີນີ້. ໃນບົດກ່າວປາໄສເປີດສາກການປະຊຸມຂ່າວ, ທ່ານ Ban Ki Moon ເນັ້ນຫນັກວ່າ: “ຖ້າຫາກປີ 2015 ແມ່ນປີປຸກລະດົມບັ້ນເຄື່ອນໄຫວເພື່ອເປົ້າໝາຍພັດທະນາແບບຍືນຍົງ (SDG) ໃຫ້ທົ່ວໂລກ, ປີ 2016 ຕ້ອງແມ່ນປີ ຊື່ງແຕ່ລະປະເທດຈະມານະພະຍາຍາມເພື່ອ ເປົ້າໝາຍພັດທະນາແບບຍືນຍົງ. ທ່ານ Ban Ki moon ກໍໄດ້ເຕື້ອງເຖິງເຫດການສຳຄັນຈຳນວນຫນຶ່ງຈະດຳເນີນໄປໃນປີນີ້ ຄື ວາລະປະຊຸມພິເສດຂອງສະມັດຊາໃຫຍ່ກ່ຽວກັບບັນຫາຕ້ານຢາເສບຕິດໃນໂລກ, ກອງປະຊຸມຂັ້ນສູງຂອງສະມັດຊາໃຫຍ່ ເພື່ອແກ້ໄຂບັນຫາຊາວອົບພະຍົບ ແລະ ຊາວຕ່າງປະເທດເຂົ້າເມືອງ ແລະ ເວທີປາໄສຊາວຫນຸ່ມຂອງ ສະພາເສດຖະກິດສັງຄົມ ສປຊ ຊື່ງຈະດຳເນີນໃນເດືອນ 2 ຈະມາເຖິງ. ນອກນັ້ນ ທ່ານເລຂາທິການໃຫຍ່ ສປຊ ກໍໄດ້ເຕື້ອງເຖິງບັນຫາສັນຕິພາບ ແລະ ຄວາມສະຫງົບປອດໄພ, ບັນຫາຊາວອົບພະຍົບ ແລະ ໂລກລະບາດ ກໍຄືບັນຫາຫລຸດຜ່ອນອາວຸດນິວເຄຼຍ ແມ່ນການບຸລິມະສິດຕົ້ນຕໍໃນປີ 2016.