ທ່ານນາງ ຮອງລັດຖະມົນຕີການຕ່າງປະເທດ ສປປ.ເກົາຫຼີ Choe Son-hui ກ່າວຄຳເຫັນທີ່ການຖະແໍຫຼງຂ່າວ (ພາບ: TTXVN)

ສຳນັກຂ່າວສານສູນກາງສປປ.ເກົາຫຼີ (KCNA) ໄດ້ຄັດສະເໜີຄຳຖະແຫຼງຂອງທ່ານນາງ Choe Son-hui ໃຫ້ຮູ້ວ່າ: ທ່ານນາງໄດ້ເອົາໃຈໃສ່ເຖິງບັນດາຄຳຮຽກຮ້ອງໃນການເຈລະຈາຢ່າງລຽນຕິດຈາກອາເມລິກາ. ທ່ານນາງຮອງລັດຖະມົນຕີການຕ່າງປະເທດຊີ້ແຈ້ງວ່າ “ພວກຂ້າພະເຈົ້າພ້ອມແລ້ວທີ່ຈະເຈລະຈາກ່ຽວກັບທຸກໆບັນຫາຢ່າງຮອບດ້ານເຊິ່ງພວກຂ້າພະເຈົ້າໄດ້ປຶກສາຫາລືມາຮອດປັດຈຸບັນກັບອາເມລິກາ ໃນວັນເວລາ ແລະ ສະຖານທີ່ທີ່ໄດ້ເຫັນດີເປັນເອກະພາບໃນທ້າຍເດືອນກັນຍາ.”

ກ່ອນໜ້ານັ້ນ, ໃນວັນທີ 31 ສິງຫາ, ກະຊວງການຕ່າງປະເທດ ອາເມລິກາ ໄດ້ຖະແຫຼງວ່າ ປະເທດນີ້ພ້ອມແລ້ວທີ່ຈະເຈລະຈາກັບ ສປປ.ເກົາຫຼີ, ພາຍຫຼັງພຽງຢາງກ່າວເຕືອນວ່າ ບັນດາຄວາມມຸ່ງມາດປາດຖະໜາໃນການເຈລະຈາກັບ ວໍຊິງຕັນ ພວມຄ່ອຍໆຫາຍໄປ, ພ້ອມທັງນາບຂູ່ວ່າຈະຖອນບັນດາມາດຕະການປອດນິວເຄຼຍຄືນ.