(vovworld) - ວັນບຸນວັດທະນະທຳຫຼາຍຮູບຫຼາຍແບບໄດ້ດຳເນີນຢູ່ສະໜາມຫຼວງ La Bourse ທີ່ນະຄອນຫຼວງ ບຣຸກແຊນ ໃນວັນທີ 7/5 ດ້ວຍການເຂົ້າຮ່ວມຂອງ 30 ປະເທດທີ່ຂຶ້ນກັບ 5 ທະວີບ, ເຊິ່ງມີປະຊາຊົນອາໄສຢູ່ ແບນຊິກ. ສະຖານທູດ ຫວຽດນາມປະຈຳ ບຣຸກແຊນ ສົມທົບກັບສະມາຄົມໃຫຍ່ຊາວຫວຽດນາມອາໄສຢູ່ ແບນຊິກ ເຂົ້າຮ່ວມງານບຸນ, ດ້ວຍລາຍການແນຳນຳອາຫານການກິນ ຫວຽດນາມ. ວັນບຸນວັດທະນະທຳຫຼາຍຮູບຫຼາຍແບບຖືກຈັດຂຶ້ນປະຈຳປີ, ເພື່ອແນໃສ່ເຊີດຊູບັນດາຄຸນຄ່າວັດທະນະທຳທີ່ເປັນມູນເຊື້ອຂອງປະຊາຄົມປະຊາຊາດທີ່ພວມອາໄສຢູ່ ແບນຊິກ. ແຕ່ລະປະເທດທີ່ເຂົ້າຮ່ວມງານບຸນ ລ້ວນແຕ່ນຳເອົາວັດທະນະທຳທີ່ເປັນເອກະລັກຂອງຕົນມາສະແດງເຊັ່ນ: ອາຫານການກິນ, ລາຍການສະແດງສິລະປະ. ພິເສດ, ໃນງານບຸນນີ້, ລາຍການແຫ່ຂະບວນ, ເຕັ້ນສາກົນໄດ້ສ້າງຈຸດທີ່ເປັນເອກະລັກສະເພາະໃຫ້ແກ່ເຫດການນີ້.