(vovworld) - ເນື່ອງໃນໂອກາດສະເຫຼີມສະຫຼອງ 67 ປີແຫ່ງວັນສະຖາປະນາ ສ.ສ ຫວຽດນາມ (2/9/2012), ວັນທີ 28/8, ຄະນະຜູ້ແທນສະຖານທູດລາວ ໂດຍທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສປປລາວ ລີບຸນຄຳ ແລະ ພັນລະຍາ ພ້ອມກັນພະນັກງານສະຖານທູດລາວ ປະຈຳໄທ ໄດ້ມາອວຍພອນເອກອັກຄະລັດຖະທູດ ແລະ ພະນັກງານ, ພາລະກອນສະຖານທູດຫວຽດນາມ ປະຈຳໄທ. ທີ່ການພົບປະ, ທ່ານເອກອັກຄະລັດຖະທູດຫວຽດນາມ ປະຈຳໄທ Ngo Duc Thang ແລະ ທ່ານເອກອັກຄະລັດຖະທູດລາວ ລີບຸນຄຳ ໄດ້ທົບທວນຄືນສາຍພົວພັນມິດຕະພາບທີ່ເປັນມູນເຊື້ອ ແລະ ຄວາມສາມັກຄີແບບພິເສດລະຫວ່າງປະຊາຊົນສອງປະເທດຫວຽດນາມ - ລາວ. ສອງຝ່າຍມີຄວາມປິຕິຊົມຊື່ນເມື່ອເຫັນວ່າ, ຄວາມສາມັກຄີອັນສະໜິດແໜ້ນສັດຊື່ບໍລິສຸດລະຫວ່າງສອງພັກ ແລະ ປະຊາຊົນສອງປະເທດນັບມື້ນັບໄດ້ຮັບການພັດທະນາ. ໃນວຽກງານການທູດຢູ່ໄທ, ທ່ານເອກອັກຄະລັດຖະທູດ 2 ປະເທດໄດ້ຖືວ່າ ຍາມໃດສອງຝ່າຍກໍສະຫງວນການຮ່ວມມືມິດຕະພາບ, ຈິງໃຈໃຫ້ກັນ.