ສະຖານທູດຫວຽດນາມປະຈຳ ຈີນ ຈັດຕັ້ງງານມະໂຫລານຕ້ອນຮັບບຸນເຕັດປີມະແມ
|
(vovworld) - ຕອນຄຳ່ວັນທີ 13/2, ສະຖານທູດຫວຽດນາມປະຈຳຈີນໄດ້ຈັດຕັ້ງງານພົບປະສ້າງສັນປະຊາຄົມຊາວຫວຽດນາມຢູ່ຈີນ ແລະ ຈັດຕັ້ງງານມະໂຫລານຕ້ອນຮັບບຸນເຕັດປີມະແມ. ທີ່ງານພົບປະ, ທ່ານເອກອັກຄະລັດຖະທູດຫວຽດນາມປະຈຳຈີນ ຫງວຽນວັນເທີ ໄດ້ແຈ້ງໃຫ້ພໍ່ແມ່ປະຊາຊົນຊາວຫວຽດນາມຢູ່ຈີນ ບັນດາຜົນງານທາງດ້ານເສດຖະກິດ, ສັງຄົມເຊິ່ງຫວຽດນາມ ບັນລຸໄດ້ໃນປີຜ່ານມາ. ກ່ຽວກັບການພົວພັນລະຫວ່າງຫວຽດນາມ - ຈີນ, ທ່ານເອກອັກຄະລັດຖະທູດ ຫງວຽນວັນເທີ ຢືນຢັນວ່າ, ພັກ, ລັດຖະບານຫວຽດນາມ ຍາມໃດກໍ່ຖືເປັນສຳຄັນການພັດທະນາສາຍພົວພັນຄູ່ຮ່ວມມື, ຮ່ວມມືຍຸດທະສາດກັບຈີນ. ປີ 2014, ປະສົບກັບຄວາມຫຍຸ້ງຍາກຫຼາຍຢ່າງໃນການພົວພັນກໍ່ຕາມ, ແຕ່ດ້ວຍຄວາມມານະພະຍາຍາມຂອງທັງສອງຝ່າຍວົງເງິນການຄ້າສອງຝ່າຍໄດ້ບັນລຸ 60 ກວ່າຕື້ USD. ທັງສອງຝ່າຍເຫັນດີ, ຈະເພີ່ມທະວີການຮ່ວມມື, ຮັກສາສາຍພົວພັນສັນຕິພາບ, ພ້ອມກັນພັດທະນາ, ຜ່ານການເຈລະຈາໂດຍສັນຕິ, ນຳ້ໃຈມິດຕະພາບ ແລະ ຜ່ານກົດໝາຍສາກົນເພື່ອແກ້ໄຂບັນດາບັນຫາທີ່ຍັງຄົງຄ້າງ, ໃນນັ້ນມີບັນຫາບົນທະເລ, ທ່ານຫວັງວ່າ, ຊາວຫວຽດນາມອາໄສຢູ່ຈີນ ສືບຕໍ່ມີການປະກອບສ່ວນ ເພື່ອສ້າງສາ ແລະ ພັດທະນາປະເທດ, ເປັນຂົວຕໍ່ເພື່ອທະວີ, ປັບປຸງສາຍພົວພັນມິດຕະພາບຫວຽດນາມ - ຈີນ.